Расійскія інфармагенцтвы апублікавалі навіну аб «перагрупоўцы» расійскіх войскаў у Херсонскай вобласці, але адразу анулявалі яе
Спачатку расійскія інфармагенцтвы апублікавалі заяву Мінабароны Расіі, што камандаванне групоўкі «Дняпро» прыняло рашэнне аб «перагрупоўцы» і заняцці «выгаднейшых пазіцый» на ўсход ад Дняпра. Але неўзабаве анулявалі паведамленне.
Ацаніўшы сітуацыю, якая склалася, камандаванне групоўкі «Дняпро» вырашыла перакінуць войскі на больш выгадныя пазіцыі на ўсход ад Дняпра, паведамляла Мінабароны Расіі.
Пасля перагрупоўкі «Дняпро» вызваліць частку сіл, якія будуць задзейнічаны для наступу на іншых кірунках, гаварылася ў заяве, паводле РИА Ноовости.
Гаворка ішла пра Херсонскую вобласць, з якой расійская армія была вымушаная адступіць на левы бераг Дняпра.
Але пазней інфармагенцтвы зняпраўдзілі навіны пра «перагрупоўку».
«Навіна анулюецца як выпушчаная памылкова», — напісала ТАСС.
«Рассылка ілжывага паведамлення аб «перагрупоўцы» войскаў у раёне Дняпра нібыта ад імя прэс-цэнтра Мінабароны Расіі з'яўляецца правакацыяй», — заявілі РБК у Мінабароны.
У апошнія дні з'яўляліся паведамленні, што ўкраінскія вайскоўцы спрабуюць замацавацца на новых пазіцыях на левым беразе ракі. У пачатку лістапада УСУ нанеслі ўдар па яе камандным пункце.
Чатырохгадовая Мая Любімцава, якую шукалі больш за суткі, загінула
Каментары