Праз некалькі хвілін пасля запуску з касмадрома ў штаце Тэхас дзве прыступкі ракеты, як і планавалася, падзяліліся. Неўзабаве пасля гэтага ніжняя прыступка ракеты, якая павінна была прызямліцца ў Мексіканскі заліў, узарвалася.
Верхняя прыступка некаторы час працягвала ляцець, аднак затым у SpaceX паведамілі, што яна таксама ўзарвалася. Гэта ўжо не першая тэставая спроба запуску ракеты Starship: аналагічныя выпрабаванні ў красавіку праваліліся. У SpaceX заявілі, што гэты запуск быў больш паспяховым за папярэдні ў дзясяткі разоў, паведамляе Bild.
Мільярдэр Ілан Маск хоча выкарыстоўваць Starship для таго, каб даставіць людзей на Месяц, а пасля — і на Марс.
Касмічны карабель мае рэкордныя характарыстыкі: яго вышыня складае 120 метраў, у ім можа размясціцца да 100 чалавек. Па планах Маска, Starship у будучыні зможа перавозіць да 150 тон карыснага грузу на Марс.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары