Затрыманую падчас «хапуну» на аграсядзібе «Стулы» звольнілі з працы
Як стала вядома праваабаронцам «Вясны», 10 жніўня выканаўца абавязкаў дырэктара Кобрынскага дзяржаўнага каледжа сферы абслугоўвання ў вуснай форме паведаміла майстрыцы вытворчага навучання Веры Андраюк, якая з перапынкам адпрацавала ва ўстанове адукацыі 8 гадоў, што кантракт з ёю не будзе працягнуты.
Прычына такога рашэння не была названа, але з асабістых крыніц праваабаронцам стала вядома, што кіраўніцтва ўстановы адукацыі было вымушана пайсці на скасаванне кантракту па тэлефонным загадзе з органу мясцовай улады.
Гэта можа быць звязана з затрыманнем жанчыны падчас «хапуну» ў аграсядзібе «Стулы», што месціцца на ўскрайку Белавежскай пушчы ў Пружанскім раёне Брэсцкай вобласці. Тады ў выходны дзень разам з іншымі наведвальнікамі сям’я Андраюк прыехала ў «Стулы», каб паглядзець спектакль беларускага народнага тэатра лялек «Батлейка».
Але замест прыемнага адпачынку на прыродзе людзі атрымалі вялікі стрэс праз рэйд сілавікоў на аграсядзібу. Сведкай стала і сямігадовая дачка Веры Андраюк, якая атрымала вялікую псіхалагічную траўму ад «хапуну», зладжанага АМАПам.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары