Расійскія Z-каналы паведамляюць, што 19 лістапада каля сяла Старабешава на Данеччыне расійскія акупацыйныя войскі праводзілі ўзнагароджанне да Дня ракетных войскаў і артылерыі і з гэтай нагоды зладзілі канцэрт. А падчас яго месца канцэрта накрыла агнём украінскай артылерыі, пры гэтым адна з артыстак загінула.
Імя загінулай артысткі — Паліна Мяньшых. Ёй было 40 гадоў і яна, як паведамляецца, была вядомая як харэограф, рэжысёр і драматург. Яна была стваральніца тэатра-студыі «Леге Арціс» (2001-2016), тэатра этнатанца «Нежань» (з 2021 года). Сярод іншага была пастаноўшчыцай адной з версій фэнтэзі-мюзікла «Апошняе выпрабаванне» («Леге Арціс»).
Паведамляецца, што адной ракетай з «Хаймарса» нібыта былі разбітыя машыны валанцёраў, а другой — грымёрка з артыстамі і сцэна. Наступныя ўдары нібыта прыйшліся па тых, хто выцягваў параненых з-пад завалаў.
Паводле паведамлення ўкраінскага боку, падчас гэтай атакі загінулі 25 расійскіх вайскоўцаў, а яшчэ 100 атрымалі раненні. Пра гэта заявіў палкоўнік УСУ, камандзір 28-й асобнай механізаванай брыгады Юрый Мадзяр. Але пацвярджэння гэтай інфармацыі пакуль няма.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам4
Каментары
А тут взяла, и так сыграла,
Что аж поверить захотелось.
Сыграть - сыграла, но - в труну.
Ну что ж, иди ко дну.