Яго сына прысудзілі да трох гадоў (таксама за данаты).
Мінская пракуратура паведаміла пра прысуд «58-гадоваму ўраджэнцу Баранавічаў». Па артыкулах і ўзросце падыходзіць Юрэня Юрый Паўлавіч, звяртае ўвагу «Брэсцкая вясна».
Мужчыну асудзілі за больш чым 100 грашовых пераводаў на 1885 даляраў. Пераводы рабіліся з 7 жніўня 2020 года да 24 сакавіка 2021 года.
Гэта палічылі «фінансаваннем дзейнасці экстрэмісцкага фармавання» (хоць, хутчэй за ўсё, як і ў аналагічнай справе Пятра Ярмашука, на той момант ініцыятывы не былі ніякімі «экстрэмісцкімі фармаваннямі»).
У выніку Юрэня-старэйшы асуджаны на 5 гадоў калоніі. Рашэнне вынесла 20 лістапада суддзя Святлана Чарапанава (Мінскі гарсуд).
А яго сына, Віталя Юрэню, яшчэ ў жніўні прысудзілі да трох гадоў калоніі. Таксама за данаты.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары