Фота: minpriroda.gov.by
Пара беларускіх зуброў з Нацыянальнага парку «Белавежская пушча» дастаўлена ў Кітай, паведамляе Міністэрства прыродных рэсурсаў Беларусі.
Падчас афіцыйнага візіту ў Кітай у пачатку года Аляксандр Лукашэнка ў якасці падарунка перадаў сертыфікат на двух зуброў.
У пятніцу зубры дастаўленыя ў Кітай і перададзеныя ў пекінскі заапарк Цынчуань.
У верасні было заключана пагадненне аб ахове еўрапейскага зубра. На падставе гэтага дакумента кітайскі бок абавязваецца правільна ўтрымліваць самца і самку зубра ў паўсвабодных умовах, а таксама забяспечыць догляд за жывёламі, які адпавядае ўсім ветэрынарным патрабаванням. За імі будуць назіраць, кантраляваць вагу, прыплод і паведамляць пра гэта беларускаму боку.
Цяпер у Беларусі налічваецца 11 мікрапапуляцый зубра, агульная колькасць усёй беларускай папуляцыі гэтых жывёл за апошнія 30 гадоў павялічылася ў сем разоў. Цяпер у Беларусі жыве 2616 зуброў.
Зубр занесены ў Чырвоную кнігу Беларусі, але на яго дазволена паляванне. Каштуе паляўнічы тур ад пяці тысяч еўра.
Чытайце таксама:
З Белавежскай пушчы выйшлі амаль усе зубры. Куды і навошта?
неяк гэта гучыць... не ведаю, як сказаць... пуціну сертыфікат на трактар дарыў, дык тое тэхніка, а тут жывая істота. жывёлы будуць вырваны са звыклага асяродзя, перамешчаны ў іншы клімат. пра прыродныя ўмовы нават не выпадае казаць, бо тут яны былі ў пушчы - на волі, а там апынуцца ў заапарку