У Злынкаўскім раёне Бранскай вобласці расійскія памежнікі спынілі мікрааўтобус, якім у Беларусь спрабавалі ўвезці «каля 800 галоў дэкаратыўнай птушкі». Гэтымі птушкамі былі разнастайныя папугаі, а таксама амадзіны, паведаміў Рассельгаснагляд.
Мікрааўтобус спрабаваў перасячы мяжу ў аб'езд афіцыйных ветэрынарных кантрольных пастоў.
Уладальнік грузу патлумачыў, што папугаі і амадзіны везліся з асабістай падсобнай гаспадаркі ў Краснадарскім краі ў Бабруйск, дзе іх збіраліся прадаваць. Але ў яго не было суправаджальных дакументаў, каб пацвердзіць паходжанне птушак, іх клінічны стан і эпізаатычную сітуацыю ў рэгіёне, адкуль іх везлі.
Таму птушак вярнулі назад, а іх уладальніка прыцягнулі да адміністратыўнай адказнасці.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары