Усяго патроху66

Праз усе сістэмы бяспекі. У ЗША прыляцеў расіянін зусім без дакументаў. Ніхто не разумее, як ён гэта зрабіў

Чалавек па імені Сяргей Ачыгава без дакументаў, візы і авіябілета прыляцеў з Капенгагена ў Лос-Анджэлес і быў затрыманы падчас праходжання пашпартнага кантролю. Інцыдэнт адбыўся 4 лістапада, але пра гэта стала вядома толькі цяпер, пасля публікацыі матэрыялу ў выданні 404media. Як мужчыне ўдалося сесці ў самалёт без рэгістрацыі на рэйс і патрапіць у ЗША, ён растлумачыць не змог. Суд Лос-Анджэлеса прадʼявіў яму абвінавачанні ў праездзе на борце самалёта без дакументаў і пастанавіў заключыць яго пад арышт.

Пасажыр без дакументаў прыляцеў у ЗША кампаніяй Scandinavian Airlines

«Расійскі эканаміст» прыляцеў у Лос-Анджэлес без патрэбных для ўезду ў ЗША пашпарта і візы ў лістападзе, гаворыцца ў судовым дакуменце, які апублікавала выданне 404.

З дакумента вынікала, што мужчына не памятаў, як апынуўся ў самалёце. Пры сабе ў яго былі некалькі пасведчанняў асобы Расіі і Ізраіля на імя Сяргея Уладзіміравіча Ачыгавы. Ва ўцечках расійскіх баз звестак, якія вывучыла «Агентство», ёсць толькі адзін чалавек з такім прозвішчам, іменем, і ён сапраўды быў эканамістам.

Спачатку мужчына на памежным кантролі сказаў, што страціў пашпарт у самалёце, аднак знайсці яго там не ўдалося. А наступная праверка авіякампаніі паказала, што мужчына не рэгістраваўся на рэйс, і зусім незразумела, як ён трапіў у самалёт.

У яго сумцы знайшлі расійскі ўнутраны пашпарт, а таксама ізраільскі дакумент, які не дае права на бязвізавы ўезд у ЗША (ізраільцяне замест атрымання візы павінны праходзіць папярэднюю электронную праверку ESTA, але Ачыгава заяўкі ў гэтую сістэму не падаваў).

Члены экіпажа распавялі, што на борце мужчына перасаджваўся з месца на месца, камунікаваў з пасажырамі і спрабаваў зʼесці шакалад, які прызначаўся членам экіпажа. Кожны раз, калі прапаноўвалі ежу, ён прасіў падвойную порцыю.

Супрацоўнікам ФБР мужчына прадставіўся расійскім эканамістам, і сказаў, што не разумее, дзе знаходзіцца.

Ён паведаміў, што не спаў тры дні, і што ў яго, магчыма, быў квіток на рэйс у ЗША, але ён не ўпэўнены.

Ён сказаў, што не памятае, як сеў на самалёт, а таксама не змог растлумачыць, як трапіў у Капенгаген і што там рабіў. На ягоным тэлефоне супрацоўнікі ФБР знайшлі фатаграфію табло аэрапорта Капенгагена, а таксама скрыншоты прыкладання «Карты» з хостэламі ў нямецкім горадзе Кіль і з картай «невядомага замежнага горада», гаворыцца ў дакуменце суда.

Як даведалася «Агенцтва», у расійскіх уцечках ёсць толькі адзін Сяргей Уладзіміравіч Ачыгава. З яго рэзюмэ вынікае, што ў 2003 годзе ён атрымаў ступень кандыдата эканамічных навук, аспірантуру ён праходзіў у Расійскай эканамічнай акадэміі імя Пляханава (РЭУ), быў кансультантам у кампаніі «Маркетынгавыя і інвестыцыйныя праекты» і займаў такую ж пасаду ў кансалтынгавай кампаніі «Интелектсервис». Таксама ён выкладаў у РЭУ імя Пляханава. 

Ачыгава быў саўладальнікам трох кампаній, кожная з якіх ужо спыніла дзейнасць, піша «Агентство». У 1998 годзе мужчына быў судзімы за набыццё або захоўванне гашышу.

Тэлеграм-акаўнт, да якога прывязаны нумар Ачыгавы, апошні раз быў у сеціве 3 ліпеня.

Каментары6

  • EMIL
    12.12.2023
    Расейский шпион.
    • Казік
      12.12.2023
      EMIL, акурат наадварот, у шпіёна было б усё добра з дакументамі
  • mikola
    12.12.2023
    Jago padstavili voragi !
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пракурорскі начальнік абурыўся неабгрунтаванымі затрыманнямі беларусаў5

Пракурорскі начальнік абурыўся неабгрунтаванымі затрыманнямі беларусаў

Усе навіны →
Усе навіны

«Інтэр'еры з Pinterest» і «цэны як у Венецыі». У Гродне на месцы знесенага гістарычнага будынка адкрылі даражэнны буцік-гатэль10

З закрытых пратаколаў стала вядома, як Беларусь і Расія дзялілі калійны рынак

Расія ўдарыла ракетай па Крывым Рогу, ужо 14 загінулых12

«Мяне вельмі моцна непакоіць, чыё яно». Гісторыя беларуса, якому ў Польшчы перасадзілі новае сэрца4

Ад БНФ да ГРУ. Хто такая Наталля Судлянкова, якой чэхі загадалі пакінуць краіну54

Журналіст пацвердзіў, што пашпарт прыкрыцця мужа Сямашкі дагэтуль сапраўдны. І ўзяў яго пад кантроль на сайце МУС13

Трамп можа знізіць мыты для Кітая, калі той прадасць TikTok3

Аўстрыя закрывае межы з Венгрыяй і Славакіяй

Кароль Карл III сыграў калыханку на моркве пад акампанемент гарбуза ВІДЭА2

больш чытаных навін
больш лайканых навін

Пракурорскі начальнік абурыўся неабгрунтаванымі затрыманнямі беларусаў5

Пракурорскі начальнік абурыўся неабгрунтаванымі затрыманнямі беларусаў

Галоўнае
Усе навіны →

Заўвага:

 

 

 

 

Закрыць Паведаміць