«Адна вайна з 28 у свеце». Кіраўнік МАК бароніць допуск атлетаў з Беларусі і Расіі на Алімпіяду-2024
«Індывідуальных атлетаў нельга караць за дзеянні іх урадаў», — сказаў Томас Бах, выступаючы на форуме ў Жэневе.
Кіраўнік Міжнароднага алімпійскага камітэта Томас Бах назваў апраўданым рашэнне дапусціць атлетаў з Расіі і Беларусі да летніх Алімпійскіх гульняў 2024 года ў Парыжы, калі яны будуць выступаць у нейтральным статусе, піша Бі-бі-сі.
Вайну ва Украіне, якая пачалася ў лютым 2022 года, ён назваў адной з мноства ў свеце. «Адна вайна з 28 войнаў і канфліктаў, якія цяпер ідуць у свеце, і ўсе іншыя атлеты мірна спаборнічаюць адно з адным», — сказаў Бах.
На мінулым тыдні Міжнародны алімпійскі камітэт дапусціў расійскіх і беларускіх спартсменаў на летнія Алімпійскія Гульні 2024 года ў нейтральным статусе: яны будуць выступаць без сцяга і гімна.
Дадатковае патрабаванне — ані самі спартоўцы, ані сябры іх трэнерскага штаба не павінны выступаць з актыўнай падтрымкай расійскага ўварвання ва Украіну.
На дадзены момант толькі восем спартсменаў з Расіі і пяць з Беларусі кваліфікаваліся на Алімпіяду ў Парыжы.
Забарона застаецца ў сіле для каманд, якія афіцыйна прадстаўляюць Расію і Беларусь.
«Усе іх сцягі — у плямах крыві»
Многія заходнія краіны, у тым ліку ЗША і Вялікабрытанія, заклікалі да поўнай забароны на ўдзел у Алімпіядзе для расійскіх і беларускіх спартоўцаў.
Такую ж пазіцыю займае і Украіна, якая пагражала байкатаваць гульні.
У снежні 2022 года Уладзімір Зяленскі заявіў: «белы або любы нейтральны сцяг для расійскіх спартоўцаў немагчымы, усе іх сцягі — у плямах крыві».
«Любыя ідэі вярнуць расійскіх прадстаўнікоў на міжнародныя спаборніцтвы — гэта ідэі аб тым, як дазволіць тым, хто вінаваты ў тэроры, сказаць свайму грамадству, што свет нібыта даруе тэрор», — цытуе Зяленскага афіцыйны сайт прэзідэнта Украіны.
У адказ на пагрозы Украіны байкатаваць гульні Бах сказаў, што дзяржавы могуць мець розныя палітычныя меркаванні.
МАК таксама заявіў, што будзе і далей падтрымліваць украінскіх атлетаў усімі магчымымі спосабамі, каб на Алімпійскіх гульнях у Парыжы ў 2024 годзе была прадстаўлена моцная каманда Нацыянальнага алімпійскага камітэта Украіны.
МАК дапусціў беларускіх і расійскіх спартоўцаў да Алімпіяды-2024
Лёгкаатлетаў з Беларусі і Расіі на Алімпіядзе не будзе — прэзідэнт World Athletics
Выступ Азаранка і Сабаленка на Алімпіядзе-2024 пад пагрозай: паводле правілаў алімпійскага адбору яны ў Парыж не трапляюць
НАК вітаў допуск да Алімпіяды, але назваў яго ўмовы дыскрымінацыйнымі
Міжнародны алімпійскі камітэт дапусціў да Алімпіяды пяцярых беларусаў
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары
Как же эта козлота остачертела.