Культура22

Маскоўскі тэатр адмяніў прэм'еру спектакля «Крэмулятар» паводле Сашы Філіпенкі

Акцёра, які грае следчага, павезлі ў ваенкамат.

Фота: фэйсбук Сашы Філіпенкі

Маскоўскі «Тэатр на Пакроўцы» адмяніў прэм'еру спектакля «Крэмулятар» паводле беларускага аўтара Сашы Філіпенкі.

«Выклікалі рэжысёрку [Анастасію Паўтаву] і сказалі, што не будзе спектакля. Пакуль яна размаўляла ў дырэкцыі, акцёра, які грае следчага Перапяліцу, павезлі ў ваенкамат. Яму ўручылі проста ў тэатры позву», — расказаў Філіпенка ў эфіры «Жывога гваздзя». Пісьменнік зазначыў, што з акцёрам усё добра, яго не адправілі на фронт, піша «Новая газета Еўропа».

Паводле слоў Філіпенкі, прэм'ера была намечана на студзень 2024 года. Пісьменнік расказаў «Новай газеце Еўропа», што спектакль быў ужо гатовы, яго рэпетавалі некалькі месяцаў.

Філіпенка мяркуе, што прычынай адмены прэм'еры магла стаць як яго палітычная пазіцыя, так і змест самога спектакля —пастаноўка прысвечана падзеям, якія адбываліся ў часы сталінскіх рэпрэсій.

«Я думаю, і тое, і другое. Яны, вядома, спектакля не бачылі. Думаю, што проста паглядзелі, хто аўтар, а потым і анатацыю, і зразумелі, што не пройдзе», — сказаў Філіпенка «Новай Еўропе».

Герой «Крэмулятара» Пётр Несцярэнка — дваранін і ўдзельнік Белага руху, які стаў агентам НКВД і першым дырэктарам Маскоўскага крэматорыя. Днём Несцярэнка крэміраваў савецкую эліту, памерлую сваёй смерцю, а ўначы — целы расстраляных у НКВД.

Несцярэнку арыштоўваюць праз дзень пасля нападу нацыстаў на СССР і абвінавачваюць у шпіянажы. Яго перавозяць у саратаўскую турму і праз допыты, якія вядзе там малады энкавэдэшнік, успаміны і мастацкія маналогі вязня з каханай жанчынай чытачы знаёмяцца з трагічным лёсам чалавека і гісторыяй з неверагодным фіналам. 

Каментары2

  • Gdansk
    18.12.2023
    Нефиг. Хай у гdыни ставиць raz na ruski rok.
  • А чего это вдруг?
    19.12.2023
    Там же все по-русски и про русских? Где еще как не в москве такое показывать/играть?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Шарэнда-Панасюк: Я разумела, што можа быць сітуацыя, калі нават дзецьмі давядзецца ахвяраваць1

Шарэнда-Панасюк: Я разумела, што можа быць сітуацыя, калі нават дзецьмі давядзецца ахвяраваць

Усе навіны →
Усе навіны

Трамп не лічыць, што ўдзел Зяленскага ў перамовах аб міры «вельмі важны»25

Памілаваны экс-палітвязень Арцём Баярскі знайшоў працу і плануе аднавіцца на хімфаку БДУ10

Лукашэнка падпісаў указ аб узмацненні паўнамоцтваў выканкамаў 8

З'явілася электронная бібліятэка помнікаў пісьменства, запісаных беларускай арабіцай3

Фрыдман прапануе нестандартныя спосабы, як прыцягнуць увагу ЗША да Беларусі3

«У галовах людзей, якія ў захапленні ад Трампа, адбываецца нешта падобнае, як было 100 гадоў таму»25

«Гэта ела маё дзіця». Мінчанка купіла ў краме выпечку з металічнай стружкай5

У Беларусі мароз — чыноўнікі дасталі свае шапкі ШМАТ ФОТА21

Расія можа аддаць свае замарожаныя ў Еўропе актывы Украіне ў межах мірнай дамовы3

больш чытаных навін
больш лайканых навін

Шарэнда-Панасюк: Я разумела, што можа быць сітуацыя, калі нават дзецьмі давядзецца ахвяраваць1

Шарэнда-Панасюк: Я разумела, што можа быць сітуацыя, калі нават дзецьмі давядзецца ахвяраваць

Галоўнае
Усе навіны →

Заўвага:

 

 

 

 

Закрыць Паведаміць