Kultura22

Maskoŭski teatr admianiŭ premjeru śpiektakla «Kremulatar» pavodle Sašy Filipienki

Akciora, jaki hraje śledčaha, pavieźli ŭ vajenkamat.

Fota: fejsbuk Sašy Filipienki

Maskoŭski «Teatr na Pakroŭcy» admianiŭ premjeru śpiektakla «Kremulatar» pavodle biełaruskaha aŭtara Sašy Filipienki.

«Vyklikali režysiorku [Anastasiju Paŭtavu] i skazali, što nie budzie śpiektakla. Pakul jana razmaŭlała ŭ dyrekcyi, akciora, jaki hraje śledčaha Pierapialicu, pavieźli ŭ vajenkamat. Jamu ŭručyli prosta ŭ teatry pozvu», — raskazaŭ Filipienka ŭ efiry «Žyvoha hvaździa». Piśmieńnik zaznačyŭ, što z akcioram usio dobra, jaho nie adpravili na front, piša «Novaja hazieta Jeŭropa».

Pavodle słoŭ Filipienki, premjera była namiečana na studzień 2024 hoda. Piśmieńnik raskazaŭ «Novaj haziecie Jeŭropa», što śpiektakl byŭ užo hatovy, jaho repietavali niekalki miesiacaŭ.

Filipienka miarkuje, što pryčynaj admieny premjery mahła stać jak jaho palityčnaja pazicyja, tak i źmiest samoha śpiektakla —pastanoŭka pryśviečana padziejam, jakija adbyvalisia ŭ časy stalinskich represij.

«Ja dumaju, i toje, i druhoje. Jany, viadoma, śpiektakla nie bačyli. Dumaju, što prosta pahladzieli, chto aŭtar, a potym i anatacyju, i zrazumieli, što nie projdzie», — skazaŭ Filipienka «Novaj Jeŭropie».

Hieroj «Kremulatara» Piotr Nieściarenka — dvaranin i ŭdzielnik Biełaha ruchu, jaki staŭ ahientam NKVD i pieršym dyrektaram Maskoŭskaha krematoryja. Dniom Nieściarenka kremiravaŭ savieckuju elitu, pamierłuju svajoj śmierciu, a ŭnačy — cieły rasstralanych u NKVD.

Nieściarenku aryštoŭvajuć praź dzień paśla napadu nacystaŭ na SSSR i abvinavačvajuć u špijanažy. Jaho pieravoziać u sarataŭskuju turmu i praz dopyty, jakija viadzie tam małady enkavedešnik, uspaminy i mastackija manałohi viaźnia z kachanaj žančynaj čytačy znajomiacca z trahičnym losam čałavieka i historyjaj ź nievierahodnym finałam. 

Kamientary2

  • Gdansk
    18.12.2023
    Niefih. Chaj u hdyni stavić raz na ruski rok.
  • A čieho eto vdruh?
    19.12.2023
    Tam žie vsie po-russki i pro russkich? Hdie jeŝie kak nie v moskvie takoje pokazyvať/ihrať?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Siamja Capkałaŭ lehalizavałasia ŭ Ałbanii

Siamja Capkałaŭ lehalizavałasia ŭ Ałbanii

Usie naviny →
Usie naviny

U Hrodnie sabaka ŭciok z domu i ciapier katajecca pa horadzie na aŭtobusach i tralejbusach3

U Mieksicy zastrelili «kakainavaha karala Jeŭropy» 

Łaŭroŭ: Prypynieńnia bajavych dziejańniaŭ va Ukrainie pa linii sutyknieńnia nie budzie — «u nas jość Kanstytucyja»18

«Siadzieła i płakała ad zamiłavańnia». Razmova z Alesiaj Rak, žonkaj žurnalista Radyjo Svaboda Andreja Kuźniečyka1

Dalar apuściŭsia za 3,15 rubla

U Minsku ratyfikavali damovu, jakaja dazvalaje RF stvarać u Biełarusi vajennyja abjekty7

Minčuki skardziacca na bieły nalot na mašynach i abutku3

Ukrainskija desantniki adbili važny pasiołak pad Pakroŭskam2

«Kudy hladzić padatkovaja?» Fiermier u Minsku pradaje śvininu pa 80 rubloŭ — karystalniki ŭ šoku17

bolš čytanych navin
bolš łajkanych navin

Siamja Capkałaŭ lehalizavałasia ŭ Ałbanii

Siamja Capkałaŭ lehalizavałasia ŭ Ałbanii

Hałoŭnaje
Usie naviny →

Zaŭvaha:

 

 

 

 

Zakryć Paviedamić