Даўжыня расколіны ў вулкане складае каля 3,5 км, лава цячэ з хуткасцю каля 100-200 кубічных метраў на секунду. Гэта ў шмат разоў больш, чым пры папярэдніх вывяржэннях.
На паўвостраве Рэйк'янес на паўднёвым захадзе Ісландыі пасля некалькіх моцных землятрусаў адбылося вывяржэнне вулкана, піша Бі-бі-сі.
Раней з рыбацкага гарадка Грындавік эвакуявалі каля 4 тысяч чалавек, а размешчаны непадалёк геатэрмальны курорт «Блакітная лагуна» быў закрыты.
Вывяржэнне пачалося за 4 км на паўночны ўсход ад Грындавіка ў 22:17 паводле мясцовага часу, паведаміла ісландскае метэаралагічнае бюро, удакладняючы, што сейсмічная актыўнасць рухаецца ў бок горада.
Даўжыня расколіны ў вулкане складае каля 3,5 км, лава цячэ з хуткасцю каля 100-200 кубічных метраў на секунду, дадалі ў ведамстве.
Метэаралагічнае бюро Ісландыі адзначае, што гэта ў шмат разоў больш, чым пры папярэдніх вывяржэннях на паўвостраве Рэйк'янес за апошнія гады.
З канца кастрычніка ў раёне сталіцы краіны Рэйк'явіка назіраецца павышаная сейсмічная актыўнасць, там былі зарэгістраваныя тысячы падземных штуршкоў.
На фотаздымках і відэа, апублікаваных у сацсетках, відаць, як лава вырываецца з вулкана. За гадзіну да таго ў гэтым раёне была зафіксавана чарада землятрусаў.
Старшы афіцэр грамадзянскай абароны Відзір Рэйнісан паведаміў Нацыянальнай тэлекампаніі RUV, што вывяржэнне адбылося хутка і, мяркуючы з усяго, было «даволі буйным». Паводле яго слоў, лава цячэ ва ўсіх напрамках з вялікай расколіны ў вулкане.
«Лава вырывалася з вулкана высокімі струменямі, так што, мяркуючы з усяго, вывяржэнне было магутным у самым пачатку», — сказаў ён.
Вывяржэнне можна назіраць з Рэйк'явіка, які знаходзіцца прыкладна за 42 км на паўночны ўсход ад Грындавіка.
Адзін з відавочцаў у горадзе распавёў Бі-бі-сі, што палова неба ў напрамку Грындавіка чырвонага колеру, у паветра паднімаюцца клубы дыму, а паліцыя просіць людзей трымацца далей ад гэтага раёна.
Прэм'ер-міністарка Ісландыі Катрын Якабсдоцір сказала, што спадзяецца на станоўчы эфект ад нядаўна пабудаваных ахоўных збудаванняў.
Прэзідэнт Гудні Ёханэсан адзначыў, што галоўным прыярытэтам з'яўляецца захаванне жыцця людзей, але пры гэтым будуць зроблены ўсе намаганні для абароны будынкаў.
У красавіку 2010 года вывяржэнне вулкана Эйяф'ялайокудль стала прычынай найбуйнейшага з часоў Другой сусветнай вайны закрыцця еўрапейскага паветранай прасторы з-за шырокага воблака попелу. Страты ацэньваліся ў 1,5-2,5 млрд еўра.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары