Камандуючы Сухапутнымі войскамі Украіны назваў асноўныя напрамкі, на якіх наступаюць расейцы
«Сітуацыя складаная. Нам даводзіцца ваяваць ва ўмовах перавагі ворага як ва ўзбраенні, так і ў колькасці асабістага складу», — кажа Аляксандр Сырскі.
Расейскія войскі наступаюць на купянскім, ліманскім і бахмуцкім кірунках, каб захапіць новыя населеныя пункты Данецкай і Харкаўскай абласцей, заявіў камандуючы Сухапутных войскаў УСУ Аляксандр Сырскі, паведамляе «Украінская праўда».
«На купянскім, ліманскім і бахмуцкім кірунках працягваюцца наступальныя дзеянні ворага. Бахмуцкі кірунак застаецца надзвычай важным для расейскіх захопнікаў. На ім яны засяроджваюць асноўныя намаганні і для вядзення штурмавых дзеянняў ужываюць найбольш баяздольныя падраздзяленні дэсантных войскаў, марскую пяхоту і сфармаваныя з былых злачынцаў падраздзяленні «Шторм Z» і «Шторм V».
Мэта ворага на гэтым кірунку зразумелая — гэта наступ на населены пункт Часавы Яр, затым на Канстанцінаўку, Дружкаўку, Славянск, Краматорск з наступным выхадам на межы Данецкай вобласці».
Камандуючы Сухапутных войскаў дадаў, што на ліманскім кірунку расійскія акупацыйныя войскі перайшлі да сталых нападаў на пазіцыі ўкраінскіх войскаў у кірунку Макееўкі і Цернаў. Вядуцца баявыя дзеянні на северскім кірунку.
«Акупанты актыўна выкарыстоўваюць тэхніку падчас правядзення штурмаў, якую ўвесь час знішчаюць украінскія абаронцы», — адзначыў Сырскі.
«Сітуацыя складаная. Нам даводзіцца ваяваць ва ўмовах перавагі ворага як ва ўзбраенні, так і ў колькасці асабістага складу»,— дадаў Сырскі.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза4
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары