«Уся тэрыторыя будзе пад відэаназіраннем». У МУС распавялі пра падрыхтоўку да выбараў
Адказваючы на пытанне СТБ, калі міліцыя пяройдзе на ўзмоцнены варыянт службы, начальнік аддзела галоўнага ўпраўлення аховы правапарадку і прафілактыкі Міністэрства ўнутраных спраў Уладзімір Станілевіч распавёў, што ў ведамстве пачалі сумесную працу з выбаркамамі і мясцовымі органамі ўлады, звязаную з устаноўкай відэаназірання.
Начальнік аддзела галоўнага ўпраўлення аховы правапарадку і прафілактыкі Міністэрства ўнутраных спраў Уладзімір Станілевіч. Скрын: СТБ
— У Мінску, у абласных цэнтрах уся прылеглая тэрыторыя будзе пад відэаназіраннем, — сказаў Станілевіч.
Паводле яго, міліцыя не павінна быць усюды, але «яна павінна быць усёвідушчай».
25 лютага ў Беларусі пройдзе так званы Адзіны дзень галасавання — выбары ў саветы дэпутатаў розных узроўняў.
Улады неаднойчы падкрэслівалі, што выбары павінны прайсці «зладжана і арганізавана». Асобая роля ў гэтым адведзена сілавікам.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары