У апошні тыдзень адыходзячага года на класічную зіму са снегам і марозам разлічваць не варта, расказаў сіноптык Дзмітрый Рабаў.
«Надворʼе чакаецца няўстойлівым, не абыдзецца і без неспрыяльных і небяспечных зʼяў надворʼя», — папярэдзіў Рабаў у эфіры тэлеканала ОНТ.
Паводле інфармацыі сіноптыка, Беларусь адкрылася для цёплых павеваў з Атлантыкі ў канцы адыходзячага тыдня — было дастаткова цёпла для гэтай пары года.
Уплыў Атлантыкі будзе па-ранейшаму адчувацца — а гэта азначае сырое, золкае надворʼе з ветрам. Сярэдняя тэмпература чакаецца на 3-5°С вышэйшай за норму.
У пачатку тыдня чарговы атлантычны цыклон прынясе воблачнае надворʼе і ападкі ў выглядзе снегу, мокрага снегу, дажджу. Тэмпература будзе плюсавой.
Што тычыцца 30 і 31 снежня, то ўначы па паўночным усходзе чакаецца -3, па паўднёвым захадзе да +3.
У сярэдзіне дня ў суботу ад + 1 да +6 градусаў, у нядзелю ад +1 да + 4, мяркуе сіноптык.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары