Але над фотаздымкам трэба было папрацаваць і апрацаваць яго.
Каляды адзначаюць нават у космасе. Амерыканскае касмічнае агенцтва апублікавала выяву зорнай туманнасці з кластара NGC 2264, які нагадвае калядную ялінку (а таксама абрыс Вялікабрытаніі), піша Бі-бі-сі.
Даследчыкі з НАСА сканструявалі малюнак, выкарыстоўваючы даныя двух тэлескопаў — рэнтгенаўскай абсерваторыі Chandra і Абсерваторыі Wisconsin-Indiana-Yale-NOAO (WIYN) Нацыянальнага навуковага фонду, — каб ён быў зялёным.
Яны таксама выкарыстоўвалі інфрачырвоныя даныя Two Micron all Sky Survey, каб ажывіць выяву ярка-сінімі і белымі кропкамі зорак, якія міргаюць. Выяву таксама прыйшлося разгарнуць на 160 градусаў адносна паўночнай кропкі, каб ён больш быў падобны на ялінку.
Туманнасць, якая складаецца з воблака пылу і газу, знаходзіцца на адлегласці каля 2500 светлавых гадоў ад Зямлі ў сузор'і Аднарога. Шматлікія зоркі, якія ўваходзяць у склад NGC 2264, па памерах і масе як меншыя, так і большыя за Сонца, маса некаторых з іх не перавышае 10% сонечнай.
Адкрытая ў 1780-х гадах Уільямам Гершэлем зорная фармацыя распасціраецца прыкладна на сем светлавых гадоў. Вакол яе фармуюцца новыя зоркі, якія паступова размывалі імглістасць на працягу мільёнаў гадоў.
Існуе мноства туманнасцяў, якія часта нагадваюць зямныя аб'екты або жывёл, напрыклад, медуз, соваў і нават хобат слана. Туманнасць NGC 6302, размешчаную ў сузор'і Скарпіёна, называюць туманнасцю Матылі за газавыя аблокі, якія нагадваюць крылы.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары