У Мінску адкрылі Першы нацыянальны гандлёвы дом. На шопінг туды паехалі Лукашэнка з Качанавай
У гандлёвым цэнтры збіраюцца прадаваць толькі беларускія тавары.
Сярод прадпрыемстваў, якія выставілі там сваю прадукцыю, — Добрушскі фарфоравы завод, «Крышталь», «Маціолі», «Галантэя», «Пінскдрэў», мясакамбінаты.
Знаходзіцца Першы нацыянальны гандлёвы дом на праспекце Незалежнасці, 134. Раней на гэтым месцы быў даўгабуд іранскай кампаніі «Магніт Мінска».
На адкрыццё прыехаў Аляксандр Лукашэнка разам з Наталляй Качанавай і дэлегацыяй іншых чыноўнікаў.
Побач з гандлёвым цэнтрам пабудаваны падземны пешаходны пераход.
«Мы ўпершыню ў краіне пабудавалі не адкрытым спосабам (не раскопвалі праспект). Мы зрабілі метадам тунэлю. Метрабуд зрабіў гэты тунэль. Цяпер у нас ужо адпрацаваныя тэхналогіі. Мы можам будаваць далей без спынення руху», — далажыў старшыня Мінгарвыканкама Уладзімір Кухараў.
Лукашэнка ж даручыў дапрацаваць інтэр'ер, «каб людзям было зручна».
«Самае галоўнае — не марнаваць дурныя грошы».
Каментары