Дзве школьніцы праваліліся пад лёд. Адна ўхапілася за галінку дрэва і так выратавала сябе і сяброўку
Трагедыя ледзь не здарылася ў Лёзне 3 студзеня. Дзве дзяўчынкі 14 і 12 гадоў вырашылі прагуляцца па беразе ўздоўж ракі Мошна. Не задумваючыся аб наступствах, яны сталі ламаць лёд.
У нейкі момант у адной з кішэні выпаў мабільнік і пакаціўся да сярэдзіны вадаёма. Дзяўчынка кінулася за ім, услед за ёй і сяброўка, паведамляе тэлеграм-канал «Міліцыя Віцебшчыны».
Дайшоўшы да сярэдзіны ракі, тонкі лёд не вытрымаў — і сяброўкі праваліліся. Іх тут жа панесла ледзяным цячэннем.
Халодная вада і паніка не давалі выбрацца сем хвілін з ракі. Аднак старэйшая з іх цудам ухапілася за галінку дрэва і змагла выцягнуць малодшую, а пасля выбралася на лёд сама. З апошніх сіл дзяўчынкі здолелі дапаўзці да берага і паклікаць на дапамогу.
Цяпер жыццю дзяўчынак нічога не пагражае.
У міліцыі нагадваюць, што ў ледзяной вадзе нават дарослы чалавек можа знаходзіцца ў сярэднім не больш за 20 хвілін, затым гіне ад пераахаладжэння. Акрамя таго, намоклае адзенне цягне ўніз, у глыбіню, і можа паскорыць гібель.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
https://nashaniva.com/ru/333441