На першай у 2024 годзе хатняй гульні хакейнага мінскага «Дынама» з хабараўскім «Амурам» 5 студзеня на лёд разам з хакеістамі выйдзе Наталля Качанава. Яна зробіць сімвалічнае стартавае ўкідванне шайбы, а партнёрам у гэтай справе стане былы старшыня хакейнай федэрацыі, а цяпер калега Качанавай па Савеце Рэспублікі Дзмітрый Баскаў.
Гэтым самым арганізатары матча вырашылі «выказаць павагу парламентарыям, якія занятыя заканатворчасцю». Усю сустрэчу таксама прысвяцяць Нацыянальнаму сходу.
Каментары