Футбольны клуб дзеля матча праляцеў амаль 7 тысяч кіламетраў. Каб прайграць 0:12
Французскі футбольны клуб «Ліль» здабыў найбуйнейшую перамогу ў сваёй гісторыі, забіўшы ў адным матчы 12 галоў. У матчы 1/32 фіналу Кубка Францыі ён абыграў клуб «Голдэн Лаён» з Марцінікі з лікам 12:0.
Цікава, што клубу з Марцінікі дзеля ўдзелу ў гэтым матчы давялося пераадолець адлегласць каля 6940 кіламетраў.
«Голдэн Лаён» гуляе ў чэмпіянаце Марцінікі, заморскага дэпартамента Францыі. Камандам з такіх тэрыторый дазволена выступаць у Кубку Францыі.
Востраў Марцініка, які складае французскі заморскі дэпартамент Францыі, знаходзіцца ў заходняй частцы Карыбскага мора. Агульная яго плошча — 1128 квадратных кіламетраў, а колькасць насельніцтва — каля 390 тысяч чалавек.
Марцініка мае сваю ўласную футбольную зборную, якая, праўда, не ўваходзіць у ФІФА, але з 1964 года з'яўляецца членам КАНКАКАФ — Канфедэрацыі футбола Паўночнай і Цэнтральнай Амерыкі і краін Карыбскага басейну.
І трэба сказаць, што гэтая зборная не самая слабая ў сваім рэгіёне, можа пахваліцца некаторымі дасягненнямі. У Кубку Карыбскіх астравоў яна неаднаразова займала высокія і нават прызавыя месцы (2-е ў 1994 годзе, 3-е ў 1992-м, 1996-м і 2001-м, 4-е ў 2012-м і 2017-м). А ў 2002 годзе зборная Марцінікі прабілася ў 1/4 фіналу Залатога кубка КАНКАКАФ.
Лукашэнка: Што творыцца ў краіне, у нас усе гэтую гусь круцяць30
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары