У Наваполацку правялі ператрус па месцы прапіскі актывіста, які з'ехаў з краіны два з паловай гады таму
8 студзеня ў Наваполацку быў праведзены ператрус па месцы прапіскі ўдзельніка стачкі прадпрыемства «Нафтан» Аляксея Маліноўскага, паведамляе «Вясна».
Дома знаходзіўся непаўналетні пляменнік жонкі, які не адчыніў дзверы. Тады супрацоўнікі прыехалі на працу да нявесткі і забралі яе, прывезлі ў кватэру для правядзення ператрусу. Па факце ператрусу нічога «забароненага» знойдзена не было. Супрацоўнікі цікавіліся месцазнаходжаннем сям'і Маліноўскіх.
Маліноўскія актыўна прымалі ўдзел у пратэсным руху, за што ўсёй сям'ёй падпалі пад рэпрэсіі, неаднаразова атрымлівалі штрафы і «суткі». У верасні 2021 года сям'я была вымушана пакінуць Беларусь.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай15
Каментары