Дырэктарка тэлеканала «Белсат» Агнешка Рамашэўска-Гузы і яе намеснікі атрымалі электронны ліст з паведамленнем, што кіраўніцтва «Белсата» пазбаўленае фінансавых паўнамоцтваў. Пра гэта паведаміла Агнешка Рамашэўска-Гузы ў фэйсбуку.
У адказ на запыты падпісчыкаў у каментарах Рамашэўска-Гузы патлумачыла, што цяпер яна не можа падпісваць дамовы і весці іншую гаспадарчую дзейнасць тэлеканала. Пры гэтым яна не змагла даць канкрэтны адказ, ці азначае гэта, што яе адхілілі ад кіравання.
«Дэ-факта — напэўна так. Калі мне не дадуць паўторнага ліста даверанасці, гэты раз ад ліквідатара. Але я не ўпэўненая, ці атрымаю яго», — адказала яна.
«Белсат» з'яўляецца структурным падраздзяленнем TVP (грамадскае Польскае тэлебачанне), адпаведна яго закранае ініцыяваная новым урадам Польшчы на чале з Дональдам Тускам працэдура ліквідацыі дзяржаўных СМІ. Гэта бюракратычная працэдура мае на мэце забяспечыць далейшае функцыянаванне гэтых кампаній.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць13
Каментары