Партугалец быў 60-м трэнерам у гісторыі клуба са сталіцы Італіі. Ён узначальваў каманду з мая 2021 года.
«Рома» пацвердзіла, што Жазэ Маўрынью і яго трэнерскі штаб неадкладна пакінуць клуб, паведамляецца на афіцыйным сайце сталічнай каманды.
Маўрынью прывёў каманду да перамогі ў Лізе канферэнцый у маі 2022 года і да фіналу Лігі Еўропы ў мінулым сезоне.
«Мы хацелі б падзякаваць Жазэ ад імя ўсіх нас у «Роме» за яго запал і намаганні з моманту яго прыходу ў клуб», — уладальнікі клуба Дэн і Раян Фрыдкіны.
У сёлетнім чэмпіянаце «Рома», за якую на стыку стагоддзяў гуляў беларус Сяргей Гурэнка, ідзе на 9-м месцы, адстаючы на пяць балаў ад зоны плэй-оф. У мінулым туры «джэла-росі» прайгралі «Мілану» 1:3.
***
Зорка Жазэ Маўрынью ўзышла ў 2004 годзе, калі ён з «Порту» выйграў Лігу чэмпіёнаў (перад гэтым была перамога ў Кубку УЕФА). Пасля трыумфу ён пакінуў клуб.
Потым ён узначаліў «Чэлсі», з якім тры разы выйграў англійскую прэм'ер-лігу, пасля з міланскім «Інтэрам» два разы чэмпіянат Італіі і Лігу чэмпіёнаў (2010), з мадрыдскім «Рэалам» чэмпіянат Іспаніі, з «Манчэстэр Юнайтэд» выйграў Лігу Еўропы (2017).
У ліпені паведамлялася, што Жазэ адмовіўся ад 30 мільёнаў еўра ў Саудаўскай Аравіі.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары