Нерухомасць99

Вядомага будынка ў цэнтры Мінска больш няма. Яго знеслі дзеля метро

Яшчэ ўвосень мінчукі звярнулі ўвагу, што на вуліцы Максіма Багдановіча перастаў працаваць супермаркет «Санта». Аказалася, вялікі адміністрацыйны будынак, у якім былі офісы і супермаркет, вызначылі пад знос. Прычына — пракладка трэцяй лініі метро.

Фота: Realt.by

Праца над разборам будынка закіпела з першых рабочых дзён студзеня. Сёння большай часткі дома ўжо няма. Realt.by паглядзеў, як зносяць знаёмы многім бардовы будынак.

Калісьці гэты будынак па вуліцы Веры Харужай, 25/1 быў часткай Мінскай мэблевай фабрыкі. У нулявых і дзясятых гадах былыя вытворчыя памяшканні рэканструявалі пад офісы, а ў 2019-м годзе на першым паверсе будынка адкрылі краму. Флагманскі супермаркет «Санта» плошчай каля 1000 квадратаў прапрацаваў чатыры гады. Акрамя прадуктовай крамы ў будынку на скрыжаванні двух транспартных артэрый працавалі кафэ, шаурма, невялікія крамкі і офісы.

Фота: Realt.by

Ну, а з пачаткам 2024-га гісторыя бардовага дома падышла да канца. Прычына — пашырэнне Зеленалужскай лініі метро. Згодна з планамі горадабудаўнікоў станцыя «Камароўская» размесціцца якраз на скрыжаванні вуліц Веры Харужай і Максіма Багдановіча.

Цяпер рабочыя ўжо разабралі дзве часткі будынка. Пасля будуць дэмантаваць памяшканні былога супермаркета.

Фота: Realt.by

Дарэчы, пад знос вызначаны толькі першы корпус пабудовы — крыло, якое знаходзіцца бліжэй да вуліцы Старавіленскай, застанецца на сваім месцы. Дарэчы, падчас будаўніцтва па расчышчанай тэрыторыі пройдзе аб'язная дарога.

Уласна будаўніцтва метро пачнецца ўжо вясной гэтага года. Цяпер на другім участку трэцяй лініі вядуцца работы па перакладцы інжынерных камунікацый, а да асноўнага этапу будаўніцтва ад станцыі «Юбілейная» да «Парку Дружбы народаў» пачнуць у маі. Усяго метрабудаўцам трэба будзе пракласці каля дзевяці кіламетраў тунэляў у двух напрамках.

Фота: Realt.by

Для пракладкі трэцяй лініі метро пад экскаватар у 2023-м годзе пайшоў будынак «Прыёрбанка» і трохпавярховага жылога дома на вуліцы Машэрава.

Фота: Realt.by

Каментары9

  • Влад
    20.01.2024
    ..., что "цикавага"? Убогое совковое здание.
    • ...
      20.01.2024
      Влад, добротное ☝️ ) саўковае зданія (зараз часта робяць горш)

      а цікавы быў фасад з боку вуліцы В.Харужай (калі заўважаць дэталі)
  • Ihar
    20.01.2024
    Дык а не хочаце дадаць, што ў гэтым будынку месціўся штаб Бабарыкі? Вядома, што не з-за гэтага яго зносяць - але ўсё ж такі мо гэта дадало да зносу
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Усе навіны →
Усе навіны

У сэрвіс таксі ад кампаніі A1 дадалі беларускую мову6

Перакладчыца на беларускую «Гары Потэра»: «Тое, што мастак павінен быць галодны, — гэта брыдкая маніпуляцыя»1

Еўрапейскі суд па правах чалавека адхіліў скаргу Вольгі Карач5

Рубіа не чакае прарыву ад цяперашніх перамоў у Стамбуле2

«Скрасці столькі, колькі ён хоча, з іншых краін складаней». Як у Зімбабвэ пракаментавалі візіт свайго кіраўніка да Лукашэнкі4

«Волат. Жыццё на нулі»: дакументальны фільм памяці легендарнага камандзіра1

Пратасевіч расказаў, колькі зарабляе велакур'ер сэрвісу «Яндэкс.Ежа»11

Пазняк: Рэальным палітычным капіталам і гістарычнай легітымнасцю валодаюць толькі Беленькі, Навумчык і Пазняк126

Памёр Віктар Адзіночанка3

больш чытаных навін
больш лайканых навін

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Галоўнае
Усе навіны →

Заўвага:

 

 

 

 

Закрыць Паведаміць