«А павінна быць у фуфайцы?» Лукашэнкаўцы кінуліся абараняць шубу Качанавай
У пятніцу 19 студзеня старшыня Савета Рэспублікі наведала Мінскі трактарны завод, апранутая ў раскошнае футра да пят, меркавана, са скандынаўскай норкі.
Цана падобнага ў Мінску — ад 3500 даляраў.
Такая шуба выглядае не самым дарэчным варыянтам для візіту да звычайных завадчан — Качанава нібы падкрэслівае разрыў паміж сваім становішчам у сацыяльнай іерархіі і іх месцам.
У тыктоку пад навіной пра гэта шмат каментароў. І значная частка з іх — у абарону дарагой шубы. Многія каментары падобныя па форме: лукашэнкаўцы (у тым ліку з ананімных акаўнтаў) пішуць, што Качанавай па статусе так і трэба апранацца, дый наогул у людзей па некалькі шуб дома.
«Вельмі дастойна і прыгожа! У Віцебску вельмі многія жанчыны ходзяць у норкавых шубах!!!»
«У нас у Беларусі норкавыя шубы носяць многія і нічога дзіўнага ў гэтым няма. У некаторых па чатыры шубы норкавыя!»
«Я далёка не Качанава, а шуб у мяне аж 3. І што???»
«А ёй пасуе. Арыстакратычна глядзіцца і каштуе для такой шубы нядорага».
«А павінна быць у фуфайцы?»
«Павінна адпавядаць свайму статусу».
«Я пенсіянерка, працавала ў бюджэтнай сферы і маю тры натуральныя шубкі! Дык чаму яна не можа мець шубу?»
«Салідна, прэзентабельна і па статусе. Нашмат лепш, чым у пухавіку прыехала б».
Падчас таго візіту на МТЗ Качанава расказвала рабочым пра сацыяльную справядлівасць.
У звароце да рабочых Наталля Іванаўна падкрэслівала: «Чалавек працы павінен атрымліваць дастойную заработную плату і разумець, што ў яго ёсць сацыяльныя гарантыі».
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары