Актрыса Элен Дарас падала скаргу 10 верасня мінулага года на сэксуальны гвалт на здымачнай пляцоўцы 2007 года. Аднак парыжская пракуратура закрыла справу праз заканчэнне тэрміну даўнасці, паведамляе Le Figaro.
Скарга актрысы Элен Дарас, якая абвінавачвала акцёра Жэрара Дэпард'ё ў сэксуальным гвалце над ёй у часе здымак фільма ў 2007 годзе, была спыненая ў канцы снежня праз заканчэнне тэрміну даўнасці, паведаміла ў панядзелак пракуратура Парыжа.
Дарас сцвярджала, што акцёр «праводзіў рукой па яе сцёгнах, па ягадзіцах», а потым казаў: «Ці хочаш у маю грымёрку?». Актрыса адказала: «Не». Аднак Дэпард'ё нібыта працягваў лашчыць яе.
У асобнай справе Жэрару Дэпард'ё 16 снежня 2020 года ў Парыжы было выстаўлена абвінавачванне ў згвалтаванні і сэксуальным гвалце пасля скаргі іншай актрысы, Шарлоты Арну, якая ў канцы жніўня 2018 года заявіла пра два згвалтаванні ў парыжскім Доме акцёра.
У красавіку мінулага года партал Mediapart паведамляў, што 13 жанчын абвінавацілі Дэпард'ё ў гвалце і сэксуальных дамаганнях. Гаворка ідзе пра выпадкі, якія меркавана адбыліся з 2004 па 2022 год на здымках 11 фільмаў, ахвярамі былі актрысы, грымёры і вытворчы персанал. Акцёр адхіліў абвінавачванні, падкрэсліўшы, што ён «не гвалтаўнік і не драпежнік».
У лістападзе мінулага года на тэлеканале France 2 выйшаў фільм, у якім чатыры жанчыны абвінавацілі Дэпард'ё ў сэксуальным гвалце.
Акцёр адмовіўся ад найвышэйшай узнагароды Францыі — ордэна Ганаровага легіёна.
У падтрымку акцёра выказаліся 50 вядомых дзеячаў культуры Францыі, у тым ліку П'ер Рышар, а таксама прэзідэнт Макрон.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары