У хлопца няма здароўя, але хочацца ў сілавікі. Дапамагла Качанава
На прыём да старшыні Савета Рэспублікі Наталлі Качанавай прыйшла маці хлопца з Касцюковічаў і папрасіла яе дапамагчы яе сыну ўладкавацца ў сілавыя структуры, у якіх ён не можа служыць па здароўю, паведамляе БелТА.
У свой час сын жанчыны быў адлічаны з Вайсковай акадэміі, а пасля гэтага паступіў на службу ў атрад «ЗУБР» (атрад спецыяльнага прызначэння МНС). Але ў кастрычніку 2023 года ён з-за хваробы трапіў у рэанімацыю і цяпер са сваім дыягназам не можа быць сілавіком, хоць і заўжды пра гэта марыў.
Жанчына
«для сябе вырашыла, што мне трэба паспрабаваць звярнуцца да Наталлі Іванаўны, таму што ёсць выключэнні з правілаў і, можа быць, мы атрымаем такое выключэнне».
Яна папрасіла Качанаву дапамагчы, бо ў Мінску ў хлопца, маўляў, дзяўчына, а сам часова працуе ў Расіі, але ж хоча на службу, нягледзячы на дыягназ.
Наталля Качанава дала даручэнне падабраць для маладога чалавека працу ў сілавых структурах, дзе можна служыць і з такім дыягназам. Але, хутчэй за ўсё, гэта будзе цывільная пасада.
«Нам патрэбныя тут такія хлопцы, тым больш яму падабаюцца сілавыя структуры», — заўважыла Качанава.
Чытайце таксама:
Качанава выказала спачуванні па загінулых у Данецку, назваўшы рэгіён Расіяй
«А павінна быць у фуфайцы?» Лукашэнкаўцы кінуліся абараняць шубу Качанавай
Качанаву запыталіся пра Пуціна, а яна па звычцы расхваліла Лукашэнку
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я11
Каментары