Журналісты знайшлі Колю Лукашэнку ў сацсетках і даведаліся, чым ён там займаецца
Журналісты «Настоящего времени» знайшлі электронную скрынку і нумар тэлефона малодшага сына Лукашэнкі ў адкрытых даных — на сайце расійскага ВНУ.
Даныя знакамітага студэнта біяфака БДУ былі ў адкрытым спісе ўдзельнікаў канферэнцыі Іванаўскага дзяржаўнага энергетычнага ўніверсітэта імя Леніна. Там былі дзве яго электронныя скрыні і беларускі нумар тэлефона з пяццю нулямі.
Журналісты паглядзелі, якія акаўнты зарэгістраваныя ў сеціве на такія даныя.
Аказалася, што ўладальнік мабільнага нумара з такім жа нікам, як і на электроннай скрыні — nik20121314 — уваходзіць у праўладныя чаты, створаныя ў 2020 годзе.
У вайберы ў яго на аватарцы — фатаграфія з верталёта, знятая над месцам непадалёку ад Астрашыцкай школы.
Таксама чалавек з унікальным для інтэрнета нікам раней дзяліўся на спецыяльных сайтах рашэннем школьных задач — якраз у тыя гады, калі Мікалай вучыўся ў школе.
А яшчэ Мікалай гуляе ў стралялкі. Гулец пад нікам nik20121314 захапляецца «Сталкерам».
У інстаграме сапраўднага акаўнта Колі цяпер няма, а ў Pinterest — чатыры падпісчыкі, магчыма, аднакурсніцы і аднакласніцы.
На званок журналістаў малодшы сын Лукашэнкі не адказаў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары