Ва Украіне за наркотыкі затрымалі беларускага добраахвотніка. Пагражае да 12 гадоў
37-гадовага грамадзяніна Беларусі вінавацяць у незаконным абароце наркотыкаў у асабліва буйным памеры.
Беларус быў затрыманы 23 студзеня паліцыяй у Хмяльніцкім, дзе ён жыў.
У яго канфіскаваны пакет з крышталічным рэчывам, якое, як вызначыла экспертыза, было сінтэтычным наркотыкам PVP. Агулам у беларуса было 300 грамаў наркотыка Альфа-PVP.
Звесткі сілавікоў пра затрыманага супадаюць з дадзенымі экс-вайскоўца «Палка Каліноўскага» Юрыя Гарупу.
У прэс-службе Палка Каліноўскага «Нашай Ніве» паведамілі, што Юрый Гарупа пакінуў падраздзяленне ў снежні 2022 года. Апошнім месцам яго службы быў 2-гі Інтэрнацыянальны легіён Узброеных сіл Украіны.
Раней паведамлялася, што ў беларускага добраахвотніка нібы праблемы з легалізацыяй і ён асцярагаецца пакідаць Украіну, бо назад яго не пусцяць. Да таго ж яму не была выплачаная кампенсацыя за раненні.
Юрый Гарупа прыехаў ва Украіну пасля акупацыі Крыму ў 2014 годзе. Перад тым жыў у Польшчы.
Пазыўны Гарупы «Хмель», ён быў у шэрагах «Правага сектару».
Калі пачалася поўнамаштабная вайна далучыўся да беларускай роты пры «Азове».
У красавіку 2022 года Гарупа быў паранены.
Яму разарвала цалкам левую сценку мачавіка. Была раздробленая тазавая костка, перабітыя нервы на правай руцэ, разарваная бубенная балона правага вуха, а таксама разарваная сятчатка правага вока. Давялося выдаліць частку страўніка. Яшчэ меў кантузію. З перадавой яго эвакуявалі.
Юрый Гарупа ў траўні 2022 года планаваў вярнуцца на фронт, калі акрыяе.
«Наша Нiва» — бастыён беларушчыны
ПАДТРЫМАЦЬГлядзіце таксама:
У Вільні загінуў добраахвотнік палка Каліноўскага. Паліцыя ўзяла пад варту другога экс-каліноўца
Сталі вядомыя прычыны недаверу да двух байцоў «Пагоні». Адзін з іх сапраўды быў завербаваны КДБ
Камандзірка эвакуацыі расказала, чаму пакідае полк Каліноўскага і чым будзе займацца далей
Полк Каліноўскага прадставіў справаздачу з незалежнага аўдыту
Некалькі беларусаў сышлі з Палка Каліноўскага і назвалі новае падраздзяленне «Танга-Рамэа»
Каментары