У мінскім крутым гатэлі ўжо больш за тры гады жыве італьянец. І з'язджаць не збіраецца
Італьянскі бізнэсмен Жан-Поль прыехаў у Беларусь чатыры гады таму, у разгар кавіднай пандэміі. Вось ужо тры гады ён здымае нумары ў мінскім чатырохзоркавым гатэлі «Вікторыя Спа». Выпадак, калі ў гатэлі госць бесперапынку жыве на працягу трох гадоў, называюць унікальным для Беларусі, піша Tochka.by.
Ад апартаментаў да больш сціплага нумара
За час жыцця ў гатэлі Жан-Поль змяніў некалькі нумароў. Пачынаў з арэнды найлепшага — апартаментаў. Пасля перайшоў на «Люкс», а цяпер каля года жыве ў больш простым двухмесным нумары.
Палічыць, колькі італьянец выдаткаваў на пражыванне ў гатэлі, досыць цяжка: за тры гады тарыфы на нумары ў гатэлі не раз мяняліся. Хоць, безумоўна, сума «набегла» прыстойная.
Так, пасутачна арэнда трох тыпаў нумароў у «Вікторыі Спа» пры пэўных умовах дасягае 260 даляраў (816 рублёў), 160 даляраў (502 рублёў) і 120 даляраў (377 рублёў) адпаведна.
Нягледзячы на гэта, праблем з аплатай у італьянскага госця не ўзнікае, сцвярджаюць у «Вікторыі Спа». Засяліўся Жан-Поль падчас пандэміі, калі справы ў беларускіх гатэляў ішлі, мякка кажучы, не вельмі. Таму італьянец арандаваў нумар па вельмі выгадных цэнах. У той час зніжкі на доўгае пражыванне ў некаторых нумарах гатэля даходзілі да 70%.
Спадабаліся размяшчэнне і сэрвіс
У Беларусі Жан-Поль развівае ўласны бізнес, звязаны з медыцынай. Своеасаблівым стымулам прыехаць сюды стала пандэмія, калі многія пункты на карце свету былі ў стане поўнага лакдаўну, а ў Беларусі жыццё было адносна актыўным.
Калі прыкінуць, колькі Жан-Поль выдаткаваў на арэнду нумара ў мінскім гатэлі, узнікае пытанне: ці не больш выгадна было б купіць (ну ці арандаваць) кватэру ў гэтым самым раёне. Італьянец на гэта адказвае незвычайна:
«Я цаню свой час і кожны момант жыцця. А тут мне камфортна: добры сэрвіс, ветлівыя менеджары. Ведаеце, гэта цяжка — з'ехаць адсюль цяпер».
Таму з'язджаць Жан-Поль пакуль не збіраецца. Ён плануе развіваць справы, звязаныя з трактарнай тэхнікай, прамысловым абсталяваннем, медыцынай і гандлем золатам. Напрамкі для прасоўвання класічныя для Беларусі — Кітай і ААЭ.
Цяпер чытаюць
Анжаліка Борыс: Пачобута паўсюль прымалі як героя2
Каментары