«Амкадор» пачынае вырабляць зброю — што вядома пра комплекс «Вартавы» і беспілотнік «Свіслач»
У новым расследаванні Белпола, сярод іншага, распавядаецца пра асобнае прадпрыемства ў складзе холдынга «Амкадор», якое займаецца вытворчасцю беспілотнікаў і іншай зброі.
У разгалінаванай структуры «Амкадора» існуе ўнітарнае прадпрыемства «Завод СВТ». Яно займаецца вытворчасцю асцыёграфаў, вальтметраў, чыстамераў, генератараў, шумамераў. Разам з гэтым прадпрыемства мае схаваную вытворчасць у інтарэсах ваенна-прамысловага комплексу Беларусі. Яе ніхто не афішуе, бо можа быць непрыемная рэакцыя.
У распараджэнні Белпола аказаўся ліст, накіраваны 30 лістапада 2021 года на імя Лукашэнкі за подпісам Аляксандра Шакуціна. З яго вынікае, што на заводзе СВТ сумесна з упраўленнем ракетных войскаў і артылерыі Генштаба Узброеных сіл Беларусі праводзяцца вопытна-канструктарскія работы па стварэнні артылерыйскага радыёлакацыйнага комплексу (АРК) разведкі і абслугоўвання стральбы (шыфр «Вартавы»)». Гэты комплекс дазваляе вызначыць каардынаты варожых батарэй і карэктаваць стральбу сваіх ваенных фармаванняў.
Як сцвярджаецца ў лісце, АРК «з'яўляецца шматмэтавым і не мае аналагаў у свеце». Па задумцы распрацоўшчыкаў, па сваіх параметрах ён будзе адпавядаць сусветным аналагам, будзе здольны абслугоўваць запуск ракетных сістэм залпавага агню (РСЗА) на адлегласць 32 км, артылерыі — на 23 км, мінамётаў — на 20 км.
Такія характарыстыкі дазволяць размяшчаць АРК на аддаленасці ад лініі судакранання. У параўнанні з найлепшымі імпартнымі ўзорамі комплекс, як адзначаецца ў лісце, будзе мець больш высокія характарыстыкі выяўлення і будзе запатрабаваны ў Міністэрстве абароны Расіі.
Акрамя гэтага, як вынікае з дакумента, на прадпрыемстве праводзіцца работа па стварэнні беспілотнага квадракоптара (шыфр «Свіслач»), які дазваляе ліквідаваць як варожыя беспілотнікі, так і наземныя цэлі. Ён можа выступаць як у ролі беспілотніка-камікадзе, так і ў ролі беспілотніка-знішчальніка. Пры гэтым, як адзначаецца ў лісце, распрацоўка беспілотніка-знішчальніка павінна была скончыцца ад 31 жніўня 2023 года.
Да плюсаў беспілотніка «Свіслач» распрацоўшчыкі адносяць высокую хуткасць, здольнасць знішчаць як наземныя, так і паветраныя абʼекты, распазнаванне абʼекта для паражэння з дапамогай аптычнай сістэмы рознага ўзроўню складанасці. Наяўнасць інфачырвонай аптычнай сістэмы дазволіць такому беспілотніку працаваць ноччу, у аблоках і ў тумане. Сцвярджаецца, што ў новай распрацоўкі высокая ўстойлівасць да перашкод з боку праціўніка.
Завод СВТ мае намер распрацаваць наземны пункт кіравання беспілотнікамі, які дазволіць дыстанцыйна кіраваць некалькімі беспілотнікамі і весці працяглае дзяжурства некалькімі разлікамі. Пры гэтым пункт кіравання можа быць завязаны ў сістэму кіравання зброяй і агнём. Плануецца забяспечыць яго спалучэнне з артылерыйскімі радыёлакацыйнымі комплексамі разведкі «Вартавы».
Таксама павінна быць дасягнута поўная лакалізацыя вытворчасці на плошчах холдынга «Амкадор». Кошт такога беспілотніка не павінен перавысіць $50 тысяч за адзінку. Але ўсё будзе залежыць ад кошту оптавалаконнай сістэмы.
Распрацоўкі холдынга знаходзяцца пад пастаянным кантролем Генштаба.
Чытайце яшчэ:
«Амкадор» дамовіўся пра супрацоўніцтва з «ДНР»
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Вот за это самое!