«Плануем зрабіць усё прыгожа». У Мінску з'явіцца квартал па казахстанскіх матывах
На месцы карпусоў завода «Сантэхдэталь» уздоўж вуліцы Чыгуначнай хутка вырасце Казахстанскі квартал. На ўчастку зямлі недалёка ад станцыі метро «Міхалова» плануюць узвесці сучасныя панэлькі, якія абяцаюць аформіць па каларытных казахстанскім матывах, піша «Анлайнер».
Адказную задачу па зносе заводскіх пабудоў і ўзвядзенню на іх месцы новых шматпавярховікоў аддалі дзяржаўнаму прадпрыемству «Упраўленне капітальнага будаўніцтва Захад».
«На гэтым этапе мы зацвердзілі размяшчэнне дамоў у квартале, цяпер узгадняем з казахскім бокам іх афармленне. Верагодней за ўсё, дамы будуць пабудаваныя для тых, хто мае патрэбу ў паляпшэнні жыллёвых умоў. Мы ўжо апякліся на піцерскім квартале, таму гэты ўзвядзем у звычайных панэльках. Плануем усё зрабіць прыгожа», — расказалі «Анлайнеру» ва УКБ «Захад».
Пасля таго як знешні выгляд высотак будзе ўзгоднены, забудоўшчык прыступіць да выбару праекціроўшчыка. Па самых аптымістычных прагнозах, пачнуць будаўніцтва Казахстанскага квартала ў другой палове 2025 года.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары