Колькасць беларускіх турыстаў у Турцыі вырасла на траціну, але ў агульнай статыстыцы іх доля мізэрная
Самым папулярным у падарожнікаў з'яўляецца Стамбул і Анталья.
Турцыя за 2023 год прыняла 309,2 тысячы беларускіх турыстаў. Гэта амаль на 29 працэнтаў перавышае паказчыкі 2022 года, вынікае са статыстыкі міністэрства культуры і турызму Турэцкай рэспублікі, піша тэлеграм-канал «Турбізнэс Беларусі».
За мінулы год усяго краіну наведалі 49,2 млн замежных турыстаў, што больш на 10,4% за 2022 год. Расія стала лідарам па колькасці прыбылых у Турцыю гасцей, доля расіян склала 12,8% ад усіх замежнікаў. Другую пазіцыю па турпатоку ў краіну заняла Нямеччына — 6,19 млн турыстаў, далей ідуць Вялікабрытанія — 3,8 млн, Балгарыя — 2,89 млн і Іран — 2,5 млн чалавек.
Дарэчы, доля беларусаў сярод усіх адпачывальнікаў — 0,63%.
Самым папулярным напрамкам быў Стамбул — больш за 17 млн падарожнікаў пабывалі тут у мінулым годзе (35,3% турыстаў). За ім ідуць Анталья (29,9%), Эдзірнэ (9,58%) і Мугла, дзе знаходзяцца Бодрум, Фетхіе і Даламан (6,76%). Самыя папулярныя месяцы — жнівень, верасень.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары