На станцыі метро «Парк Чалюскінцаў» абадралі сцены і дэмантавалі ўпрыгожванні
Станцыя мінскага метро «Парк Чалюскінцаў» стала выглядаць вельмі непрэзентабельна. Сцены абшарпаныя, дэкаратыўныя элементы з-пад столі паздымалі, піша blizko.by.
![](http://nashaniva.com/img/w732d4webp1/photos/z_2024_02/content_p1310266-uuo9e.jpg.webp)
Калі стаць тварам у бок станцыі «Малінаўка» (а «Уручча» застанецца за спіной), то левая пуцявая сцяна выглядае нармальна, а вось правая — непрыгожа. З кранштэйнаў, якія ідуць уздоўж, прыбіралі дэкаратыўныя шкляныя элементы.
![](http://nashaniva.com/img/w732d4webp1/photos/z_2024_02/content_p1310260-itsx3.jpg.webp)
![](http://nashaniva.com/img/w732d4webp1/photos/z_2024_02/content_p1310261-sncag.jpg.webp)
Як тлумачыць прэс-служба метрапалітэна, гэтая станцыя — адна з самых «узроставых», сёлета ёй споўніцца 40 гадоў. Таму цяпер у начны час выконваюцца планавыя работы, напрыклад, па замене крэйдавага пакрыцця над платформай на акрылавае. Для гэтага былі часова знятыя элементы некаторых свяцільняў. Неўзабаве яны вернуцца на месца.
«Парк Чалюскінцаў» — першая са збудаваных станцый Мінскага метрапалітэна. Станцыя была адкрыта 29 чэрвеня 1984 года. Яе ўпрыгожваннем сталі дэкаратыўныя люстры ў выглядзе сланечнікаў з падсветленага адліванага шкла цёмна-жоўтага і карычневага колераў.
![](http://nashaniva.com/img/w732d4webp1/photos/z_2024_02/content_03-wzc05.jpg.webp)
![](http://nashaniva.com/img/w732d4webp1/photos/z_2024_02/content_01-1odpy.jpg.webp)
![](http://nashaniva.com/img/w732d4webp1/photos/z_2024_02/content_02-l0c4f.jpg.webp)
На афармленне «Парку Чалюскінцаў» спатрэбілася 15 тон крышталя і каляровага шкла.
Каментары