Красоўкі Майкла Джордана прадалі за рэкордныя восем мільёнаў даляраў
Набор складаецца з шасці пар красовак.
Поўны камплект красовак Michael Jordan championship Air Jordan, якія Джордан насіў падчас сваіх перамог у шасці чэмпіянатах НБА і шасці фіналах НБА, прададзены за 8 032 800 даляраў — сусветны аўкцыённы рэкорд для гульнявых красовак, паведаміў аўкцыённы дом Sotheby's у пятніцу
Калекцыя красовак — другая па велічыні сума, выручаная за памятныя рэчы Джордана, пасля майкі коштам 10,1 мільёна даляраў, якая была надзета ў першай гульні фіналу «Апошняга танца» 1998 года, піша EPSN.
Пара красовак у другой гульні гэтага фіналу, была прададзена ў красавіку за 2 238 000 даляраў, што на той момант было самай высокай цаной, калі-небудзь заплачанай за пару красовак.
Набор складаецца з Air Jordan VI (1991), Air Jordan VII (1992), Air Jordan VIII (1993), Air Jordan XI (1996), Air Jordan XII (1997) і Air Jordan XIV (1998). Красоўкі Air Jordan VI, VIII, XI і XII таксама ўпрыгожаныя аўтографам Джордана.
Пасля кожнага з шасці тытулаў Джордана і MVP фіналу яго фатаграфавалі толькі ў адным абутку. Баскетбаліст меў забабоны і гуляў толькі ў адной пары красовак ці шортах.
Майкл Джордан — шасціразовы чэмпіён НБА ў складзе «Чыкага» і двухразовы алімпійскі чэмпіён. Ён з'яўляецца адным з трох спартоўцаў, каму ўдалося зарабіць больш за $1 млрд, як баскетбаліст Леброн Джэймс і гальфіс Тайгер Вудс.
Прапагандысты запэўніваюць, што 196 палітвязняў ужо на свабодзе9
Каментары