За апошнія два тыдні ў Латвіі зарэгістравана дзевяць выпадкаў гепатыту А, што значна перавышае прагназаваную колькасць выпадкаў за адпаведны перыяд часу, паведамілі Delfi.lv у цэнтры прафілактыкі і кантролю захворванняў.
Паводле звестак цэнтра, усе выпадкі гепатыту А звязаныя з паездкамі ў іншыя краіны, у тым ліку шэсць чалавек заразіліся гепатытам А пасля наведвання Беларусі, астатнія выпадкі звязаныя з паездкамі ў Марока, Егіпет і Занзібар.
Эпідэміёлагі СПКЦ старанна расследуюць кожны выпадак гепатыту А і арганізуюць неабходныя супрацьэпідэмічныя мерапрыемствы для зніжэння рызыкі распаўсюджвання інфекцыі.
Зараз гепатыт А з'яўляецца рэдкім інфекцыйным захворваннем у Латвіі. У сярэднім за апошнія пяць гадоў у краіне рэгіструецца 22 выпадкі ў год — ад 13 да 37 выпадкаў у год. Часцей за ўсё людзі заражаліся менавіта падчас замежных паездак. Па меры паляпшэння санітарна-гігіенічных умоў цыркуляцыя віруса гепатыту А ў Латвіі практычна спынілася, аднак па гэтай прычыне значная частка насельніцтва (у асноўным дзеці, моладзь і людзі сярэдняга ўзросту) не маюць імунітэту да гепатыту А.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі7
Каментары