Агулам ён там правядзе 293 дні.
Навальны выступае па відэасувязі з калоніі на Ямале. Фота: Аляксандра Астахава / «Медыязона»
«Аляксей Навальны з 1 лютага знаходзіцца ў ШІЗА. Далі яшчэ 10 сутак», — паведаміла ягоная прэс-сакратар Кіра Ярмыш.
Палітыка саджаюць у штрафны ізалятар ужо 26-ы раз, падлічылі ягоныя паплечнікі.
Трэці раз у новай калоніі асобага рэжыму за палярным колам у пасёлку Харп, куды ён быў пераведзены па новым прыгаворы ў канцы мінулага года.
Усяго ён правядзе ў ШІЗА ўжо 293 дні, падлічыла Бі-бі-сі.
Аляксея Навальнага затрымалі 17 студзеня 2021 года па вяртанні ў Маскву пасля лячэння ў Нямеччыне. Агулам яго асудзілі на 19 гадоў.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары