Як цяпер выглядае расійскі апазіцыянер Аляксей Навальны. З’явіліся здымкі
Сёння Аляксей Навальны ўпершыню ўдзельнічае ў пасяджэнні суда па відэасувязі з-за палярнага круга з ПК-3 — суд разглядае ягоны пазоў да Уладзімірскай ПК-6, дзе яго ўтрымлівалі да нядаўняга часу. «Медыязона» вядзе анлайн і публікуе здымкі палітыка.
Гэта першае пасяджэнне, у якім Навальны ўдзельнічае па відэасувязі з ПК-3 асобага рэжыму ў пасёлку Харп на Ямале. І першае паседжанне з удзелам Навальнага амаль за месяц, якое не адмянілі.
«Ваша чэсць, ну сляза, сляза цячэ па маёй шчацэ — так я рады вас бачыць усіх. Мой родны Каўроўскі суд, мае родныя дарагія адказчыкі, родныя абаронцы і родны сакратар — я вельмі рады вас бачыць», — сказаў палітык.
Навальны, размаўляючы з журналістамі, паведаміў, што да яго пакуль не дайшлі ніякія лісты. А ўмовы ўтрымання — «цьфу-цьфу-цьфу». «Камень у ваш агарод, паважаныя адказчыкі. Тут лепей, чым у ПК-6 ва Уладзіміры», — пажартаваў ён.
«Халадней за -32°C пакуль не было». Навальны, якога кінулі за палярны круг, з самаіроніяй распавёў пра свае новыя ўмовы
«Я ваш новы Дзед Мароз. У мяне ёсць кажух, шапка-вушанка». Навальны даслаў першы ліст з калоніі за палярным кругам
«Абліваць вадой на марозе — шараговае катаванне там». Што ўяўляе сабою калонія за палярным колам, куды перавялі Навальнага
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча8
Каментары