«Як нацыя вучылася спяваць». Выйшаў другі наклад кнігі пра Антона Грыневіча
Першы наклад паспяхова прададзены.
Днямі выйшаў з друку другі наклад кнігі «Як нацыя вучылася спяваць: жыццё і дзейнасць Антона Грыневіча». Першы наклад, што быў надрукаваны некалькі месяцаў таму паспяхова разышоўся, паведамляе ў сваім тэлеграме «Суполка беларускіх пісьменнікаў».
Выданне змяшчае падрабязную біяграфію навукоўца і ягоныя кнігі, якія даўно сталі бібліяграфічнай рэдкасцю — спеўнікі: «Беларускія песні з нотамі» (1910/1912), «Народны спеўнік» (1920), «Школьны спеўнік» (1920), «Беларускі дзіцячы спеўнік» (1925), а таксама іншыя матэрыялы, напрыклад, песні, запісаныя ў час зняволення ў віленскіх Лукішках.
Шукайце ў сталічнай кнігарні «Акадэмкніга».
Каментары