Здароўе

Экадашы і аскеза. Дыетолаг тлумачыць, які з модных трэндаў у харчаванні насамрэч дапаможа скінуць лішнюю вагу

Модныя дыеты з'яўляюцца ледзь не кожны сезон — цяпер на піку папулярнасці экадашы і аскеза. Даведаліся ў дыетолага, якую небяспеку хаваюць гэтыя практыкі і як іх правільна выконваць, каб не нашкодзіць здароўю.

«Трэба разумець, што любая дыета — стрэс для арганізма, таму перад тым, як на яе вырашыцца, неабходна пракансультавацца з доктарам. Ён распрацуе план харчавання, улічваючы асаблівасці вашага арганізма, і не дапусціць дэфіцыту карысных мікраэлементаў і вітамінаў», — перасцерагае ад самалячэння і жорсткіх дыет доктар-гастраэнтэролаг і дыетолаг Ірына (поўнае імя не прыводзіцца ў мэтах бяспекі).

Да таго ж, большасць модных пахудальных практык, калі выкарыстоўваць іх няправільна, могуць проста не спрацаваць. А эфект, калі яго не замацоўваць, неўзабаве сыдзе на нішто. Таму варта падыходзіць да скідвання вагі сур'ёзна.

Экадашы

«У перакладзе з санскрыту «экадашы» азначае «адзінаццаць» — ці адзінаццаты дзень пасля маладзіка і поўні. У аюрведычнай літаратуры напісана, што гэты час як мага лепш падыходзіць для разнастайных духоўных практык. Таму менавіта ў экадашы прынята асэнсавана абмяжоўваць сябе ў ежы», — расказвае Ірына.

Фота: unsplash.com

Людзі, якія прытрымліваюцца гэтай традыцыі, на дзень адмаўляюцца ад тлустай, цяжказасваяльнай ежы ці наогул абыходзяцца без яе. Лічыцца, што ў экадашы нельга ўжываць мяса, яйкі, рыбу і морапрадукты, бабовыя, збожжавыя, злакавыя прадукты, усе віды круп і асабліва рыс. Алкаголь, кава і іншыя напоі, якія ўплываюць на свядомасць, таксама выключаюцца. Дазволенымі застаюцца вада і свежавыціснутыя сокі, свежая садавіна і гародніна, дэгідрыраваная гародніна без цукру і хіміі, малочныя прадукты.

«Экадашы — добры варыянт разгрузачнага дня, праўда, трэба з розумам рыхтавацца да пачатку такой дыеты і плаўна з яе выходзіць. Як правіла, мінімум за тры дні трэба паступова адмаўляцца ад цяжкай ежы, алкаголю і кавы. Пасля канца «разгрузкі» — таксама плаўна ўваходзіць у звычайны рэжым харчавання. Асобна трэба адзначыць, што фруктовыя дыеты могуць не падысці людзям, якія пакутуюць на гастрыт і падвышаную кіслотнасць. У іх выпадках перад тым, як спрабаваць экадашы, трэба пракансультавацца са спецыялістам» — адзначае лекар.

Фота: unsplash.com

Аскеза

Аскеза — выдатны спосаб, каб прапрацаваць сілу волі, і дрэнны, каб схуднець. Сэнс гэтай практыкі зводзіцца да ўсвядомленага выхаду са сваёй зоны камфорту: у якасці аскезы чалавек можа адмовіцца ад мяса, цукру, мучнога, кавы і іншага або ўзяць на сябе абавязацельства рэгулярна выконваць нейкае дзеянне: чытаць па сто старонак на дзень, рабіць зарадку ці піць дастатковую колькасць вады.

«Адмовіцца ад алкаголю ці цукру на 30 дзён, а менавіта столькі доўжыцца мінімальная аскеза, заўсёды карысна. Тым больш, калі чалавек дадасць зарадку ці іншыя рэгулярныя фізічныя нагрузкі. Плюс аскезы ў тым, што за месяц, як правіла, арганізм прывыкае да адсутнасці якога-небудзь інгрэдыента ў рацыёне і перабудоўваецца на новыя смакавыя патэрны. З мінусаў можна адзначыць часты хуткі адкат: я ведаю кліентаў, якія месяц абмяжоўвалі сябе ў тлустай ежы, але потым ішлі адзначаць канец устрымання ў «Макдональдс». Канешне, для арганізма гэта быў стрэс», — тлумачыць Ірына.

Фота: unsplash.com

Па словах лекара, хоць адмова ад канкрэтнага шкоднага прадукта будзе сапраўды карысная для арганізма, на зніжэнне вагі яна можа не паўплываць: «Часта, адмаўляючыся ад салодкага ці мучнога, жанчыны чакаюць неверагодных вынікаў, але за ўвесь час губляюць толькі кілаграм-паўтара. Вядома, такія паказчыкі моцна дэматывуюць. Таму трэба разумець, што аскеза — гэта больш трэніроўка волі і першая цаглінка ў далейшае будаўніцтва здаровага рацыёну, а не класічная дыета».

Дыета

Канешне, мы не маглі абысці бокам класічныя дыеты. «Чаго толькі не робяць жанчыны, каб схуднець — і воцат п'юць, і лічынкі глістоў глытаюць, але ўсе гэтыя нялюдскія спосабы толькі калечаць арганізм», — наракае лекар.

За час працы ў прафесіі Ірына выпрацавала правіла:

«Я перакананая, што чым мацней пакутаваў чалавек падчас дыеты, тым больш верагодны зрыў і наступны адкат. У дыету трэба ўваходзіць плаўна і без надрыву — часам перабудова харчовых звычак займае некалькі месяцаў. Затое, правільна падышоўшы да рацыёну і ведаючы, якія прадукты менавіта вам трэба выключыць, вынік хоць і прыйдзе пазней, але затрымаецца з вамі надоўга».

Фота: unsplash.com

Тым, хто плануе пазбавіцца залішняй вагі да вясны, Ірына рэкамендуе ўспомніць «правіла талеркі».

«Звычайную талерку дыяметрам 20-24 см трэба візуальна падзяліць на дзве роўныя часткі. Адну з іх — яшчэ раз напалову. Так, палову порцыі павінна займаць гародніна, адну чвэрць — складаныя вугляводы, астатнюю частку — бялкі. Гэтае правіла дапамагае разнастаіць рацыён і прытрымлівацца здаровага харчавання» — кажа яна.

Каментары

ЗША аднаўляюць вайсковую дапамогу Украіне. Расіі прапануецца спыненне агню на 30 дзён, Украіна на гэта згодна18

ЗША аднаўляюць вайсковую дапамогу Украіне. Расіі прапануецца спыненне агню на 30 дзён, Украіна на гэта згодна

Усе навіны →
Усе навіны

«Ён падышоў і спытаў: «Ты галодная, хочаш есці?» Беларуская пенсіянерка расказала, як знайшла шчасце ў вымушанай эміграцыі9

У Баранавічах паставілі вялікі помнік мясарубцы7

«Капучына ад 9 рублёў у красавіку-маі — цалкам рэальна». Што будзе з цэнамі на каву ў Беларусі11

Былая віцэ-спікерка Каардынацыйнай рады Вольга Павук стала настаўніцай у літоўскай школе6

У Грэнландыі — выбары. Ці дапамогуць яны Дональду Трампу анексаваць гіганцкі востраў?2

Самалёт, які ляцеў з Турцыі ў Маскву, падаў сігнал бедства на мяжы Беларусі і экстранна сеў2

Былога прэзідэнта Філіпінаў арыштавалі па ордары Міжнароднага крымінальнага суда

Асвячэнне зброі і жаданне смерці злачынцу — акей? Адказвае святар Кухта2

19-гадовы беларус дэбютаваў у Нацыянальнай хакейнай лізе

больш чытаных навін
больш лайканых навін

ЗША аднаўляюць вайсковую дапамогу Украіне. Расіі прапануецца спыненне агню на 30 дзён, Украіна на гэта згодна18

ЗША аднаўляюць вайсковую дапамогу Украіне. Расіі прапануецца спыненне агню на 30 дзён, Украіна на гэта згодна

Галоўнае
Усе навіны →

Заўвага:

 

 

 

 

Закрыць Паведаміць