Прэзідэнт Аргенціны сустрэўся з папам Францішкам, якога ён называў імбецылам
Пасля перамогі на выбарах у снежні мінулага года Хаўер Мілей змякчыў рыторыку.
У нядзелю папа Францішак кананізаваў першую святую з Аргенціны. Мерапрыемства паслужыла падставай для першай асабістай сустрэчы Францішка і аргенцінскага лідара Хаўера Мілея, які раней кепска выказваўся пра пантыфіка, піша Бі-бі-сі.
Францішак сам родам з Аргенціны, а кананізаваная ім святая — Марыя Антонія дэ Пас і Фігероа, больш вядомая як Мама Антула — з'яўляецца адной з найбольш шанаваных фігур духоўнага ордэна езуітаў, да якога належыць сам папа.
Сустрэча адбылася падчас урачыстай Імшы ў саборы Святога Пятра ў Ватыкане.
Да ўступлення на пасаду прэзідэнта Мілей, у прыватнасці, называў папу «імбецылам», які «прапагандуе камунізм». Пасля перамогі на выбарах у снежні мінулага года ён змякчыў сваю рыторыку.
У панядзелак адбудзецца яшчэ адна сустрэча Хаўера Мілея і папы Францішка — падчас прыватнай аўдыенцыі.
Сустрэча адбылася на фоне сур'ёзнай палітычнай і эканамічнай нявызначанасці ў Аргенціне, дзе інфляцыя дасягнула 200%, а амаль палова насельніцтва жыве за рысай беднасці.
Мілей заявіў, што краіне неабходная «эканамічная шокавая тэрапія, каб справіцца з цяперашнім эканамічным крызісам, які лічыцца горшым за апошнія дзесяцігоддзі.
Мілей таксама запрашаў папу Рымскага наведаць Аргенціну, куды пантыфік (яго імя да ўступлення на пасад — Хорхе Марыа Бергольё) не вяртаўся з тых часоў, як узначаліў Рымска-каталіцкую царкву.
Аргенцінскі суд паставіў падножку рэформам прэзідэнта Мілея
Аргенціна прапанавала Брытаніі вярнуць Фалкленды
Прэзідэнт Аргенціны паляцеў звычайным самалётам. І гэта самалёт «Белавія»
Хаўер Мілей афіцыйна напісаў Пуціну і Сі, што Аргенціны не будзе ў БРІКС
Новы прэзідэнт Аргенціны абвясціў план лібералізацыі эканомікі. У краіне пачаліся пратэсты
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары