Каханне і сэкс11

Сацсеткі ахапіў «тэст апельсінавай лупіны», які правярае адносіны з партнёрам на трываласць

Тэст вызначае, ці гатовы рамантычны партнёр зрабіць для вас нейкія прыемныя дробязі — нават калі вы маглі б зрабіць іх і самі.

Peeled tangerine
Фота: Pixabay

Парада для ўсіх закаханых: калі ваш партнёр просіць пачысціць яму апельсін, проста зрабіце гэта. Бо гэта можа быць не проста просьба, але і праверка, якая сведчыць пра тое, што калі вы гатовы запэцкаць рукі апельсінавым ці мандарынавым сокам, то, відавочна, клапоціцеся пра свайго каханага ці каханую.

У хэштэга #orangepeeltheory больш за 33 мільёнаў праглядаў у тыктоку і ён працягвае набіраць абароты ў інтэрнэце, у тым ліку ў інстаграме: карыстальнікі публікуюць відэа з поспехамі і няўдачамі сваіх партнёраў. Многія відэа даюць магчымасць людзям пахваліцца сваімі стасункамі ў інтэрнэце.

Відэа звычайна пачынаюцца з таго, што дзяўчына просіць у свайго хлопца абабраць ёй апельсін. У ідэале яго адказ: «Так, дарагая». Ён спыняе ўсе свае справы, нават калі заняты працай ці спяшаецца, і неўзабаве працягвае абабраны цытрусавы. Нечыя хлопцы раскладваюць долькі ў пацешнай форме, напрыклад, у выглядзе сонца ці смешнай пыскі.

@cynthiamhuang hes so over my tiktok tests/pranks lol but green flags all aroumd❤️ #orangepeel #orangepeeltheory #orangepeeltheoryexplained #husbandandwife #husbandwifecomedy #husbandsoftiktok #besthusband #fyp #trendingvideo #trendingtiktok #tiktoktrend #tiktoktrends ♬ original sound - Cynthia Huang Wang

Ёсць таксама тэст с птушкамі, калі адзін з партнёраў заўважае птушку ў акне і прапануе свайму каханаму ці каханай падысці і паглядзець. Няздольнасць гэта зрабіць азначае, што партнёр не мае цікавасці да дробязяў, якія важныя для іншага чалавека.

Яшчэ ёсць тэст з кетчупам: чалавек наўмысна пралівае крыху кетчупу на стойку і просіць партнёра прыбраць гэта. Вынікі неадназначныя. Некаторыя партнёры стаяць і недаверліва глядзяць на кетчуп, іншыя прыбіраюць яго папяровымі ручнікамі.

Большасць гэтых тэстаў насамрэч не ёсць доказам сапраўднай прыхільнасці вашага партнёра, але ўсё адно яны займелі вялікую папулярнасць, бо, у адрозненне ад анлайн-апытанняў і анкет у часопісах тыпу Cosmo, разгортваюцца ў рэальным жыцці.

Хоць канцэпцыя тэстаў базуецца на жаданні зрабіць нешта для партнёра, яе можна выкарыстоўваць як маніпуляцыю і вырываць з кантэксту, цытуе WSJ экспертку па адносінах Лорэл Хаус. Яна засцерагае ад занадта вялікага даверу да гэтых відэавыпрабаванняў.

Кожныя адносіны ўнікальныя, са сваёй версіяй абабранага апельсіна.

«Важней усведамляць тыя дробязі, якія вы робіць адно для аднаго ў вашых канкрэтных адносінах натуральна і нязмушана, а не тыя прыемнасці, якія адбываюцца ў адносінах іншых людзей», — кажа экспертка.

Так, напрыклад, не заўсёды партнёр можа належным чынам прайсці тэст на птушак — у пэўнай сітуацыі ён можа падысці да акна, а ў іншай — не, бо ў яго могуць быць свае важныя думкі. Поспех ці няўдача не азначаюць, што гэта добра ці дрэнна.

Якім бы ні быў вынік тэсту апельсінавай лупіны, ён можа стаць магчымасцю пачаць размову на тэму, чаго мы хочам адно ад аднаго і што робіць нас шчаслівымі, — размову ў спакойнай і добразычлівай манеры. У ёй можна прагаварыць, як наладзіць свае стасункі так, каб прыемныя рэчы ў іх працягвалі адбывацца.

Калі для вас важна, каб ваш партнёр дэманстраваў свой клопат пра вас тым, што абіраў вам апельсін, купляў вашу любімую ежу ці забіраў з працы на машыне, трэба пра гэта дамовіцца і ўключыць гэта ў свой паўсядзённы досвед.

Чытайце таксама:

Правіла «2-2-2» — простая канцэпцыя шчаслівых адносін

На любы бюджэт: 10 небанальных падарункаў да Дня закаханых

«Косткі ад рыбы на талерцы ён складаў акуратнай ялінкай». Беларусы расказалі, што іх раз'юшвае ў партнёрах

«У мяне не было сэксу два гады, нягледзячы на колькасць ахвотных са мной пераспаць». Беларуска расказала, чаму жыве без інтыму

Каментары1

  • Привет, Анжела
    17.02.2024
    Попросил подругу собрать барабан.
    Всего то и делов - вставить шесть патронов, дело 10 секунд. Но неееет, не захотела. Ну и хрен с тобой!

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць