Лукашэнка прысвоіў званне генерал-маёра палкоўніку Андрэю Паршыну, які страляў па падлетках
Пра прысваенне звання генерал-маёра міліцыі палкоўніку міліцыі Андрэю Паршыну паведаміў «Пул першага». Паршын стаў шырока вядомым тым, што страляў у падлеткаў у двары.
Андрэй Паршын з 2021 па 2022 год кіраваў ГУБАЗіКам, пасля чаго быў пераведзены пераведзены ў Дэпартамент забеспячэння аператыўна-вышуковай дзейнасці.
У 2022 годзе годзе ён стаў фігурантам скандалу, калі ў прэстыжным мінскім мікрараёне «Каскад» каля свайго дома спрабаваў разагнаць групу дзяцей і падлеткаў (малодшаму ў кампаніі было 11 год), але атрымаў адпор ад 16-гадовага хлопца.
Спачатку, як сцвярджалася, Паршын ударыў падлетка, а пасля стрэліў у яго з пісталета, параніўшы ў нагу. Ніякай адказнасці за гэта сілавік не панёс.
Каментары