«А хто ён такі?» — рэакцыя ботаў на навіны пра смерць Навальнага
На прыкладзе тыктоку «Нашай Нівы» расказваем, як боты рэагуюць на паведамленні, звязаныя з смерцю Навальнага.
Мы прааналізавалі відэа з нашага каналу ў тыктоку, якія былі прысвечаны смерці Аляксея Навальнага, і заўважылі пэўнае падабенства ў каментарах.
Калі ў відэа з паведамленнем аб смерці Алексея Навальнага ўсяго некалькі дзясяткаў каментароў, то пад навіною аб тым, што маці Навальнага адмовілася прымаць спачуванні, іх ужо амаль 3000.
У першыя ж хвіліны пасля з'яўлення інфармацыі сталі размяшчацца шматлікія паведамленні, што Навальны памёр ад тромбу. Пры гэтым каментатары расказвалі розныя гісторыі, якія быццам бы адбыліся з іх блізкімі. Варта адзначыць, што ні тады, ні цяпер няма ніякіх падстаў меркаваць, што прычынай смерці быў тромб — не было ніякіх аб'ектыўных фактаў, каб неўта сцвярджаць.
Паралельна з'яўляліся шматлікія заявы аб тым, што ў смерці Навальнага вінаваты Захад і сама жонка.
Прычым большая частка з гэтых карыстальнікаў мае зусім мала падпісчыкаў.
Наступная навіна з паведамленнем аб тым, што па Еўропе праходзяць стыхійныя акцыі памяці Навальнага, была пракаментавана трохі больш за 1200 разоў. Тут ужо асноўны ўпор боты-каментатары робяць на тое, «а хто гэта такі».
Апошняя навіна са зваротам Юліі Навальнай была пракаментаваная амаль столькі ж. Тут боты сталі актыўна заяўляць пра тое, што ў смерці мужа вінавата яго жонка.
Адзін з карыстальнікаў справядліва заўважыў: «Амаль усе боты, нават не спрачайцеся з імі».
Чытайце яшчэ:
Ці можа смерць Навальнага падштурхнуць расейцаў да больш актыўнага супраціву ўладзе?
-
«Пасажыры прасілі знізіць хуткасць». Устаноўленыя прычыны ДТЗ з маршруткай у Светлагорскім раёне, дзе загінулі шэсць чалавек
-
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
-
Раздзяляльныя палосы галоўных магістраляў Мінска ўпрыгожылі восем тысяч скрыняў з віёламі
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу12
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары