«Мы ведаем, за што канкрэтна Пуцін забіў Аляксея. Мы хутка вам раскажам». Юлія Навальная запісала зварот да расіян
Юлія Навальнага, жонка памерлага ў калоніі расійскага апазіцыянера Аляксея Навальнага запісала зварот да расіян у студыі, адкуль раней яе муж выходзіў у эфір. Яна сказала, што заменіць яго і папрасіла падтрымаць яе, далучыцца да яе.
«Я была шчаслівая быць побач з ім і падтрымліваць яго. Але сёння я хачу быць побач з вамі, таму што я ведаю: вы страцілі не менш, чым я», — сказала яна.
Юлія Навальная абвінаваціла Пуціна ў забойстве свайго мужа і прапанавала расейцам «сабрацца ў адзін моцны кулак і ўдарыць па зварʼяцелым рэжыме».
«Мы ведаем, за што канкрэтна Пуцін забіў Аляксея тры дні таму. Мы хутка вам пра гэта раскажам», — заявіла яна.
Таксама яна дадала, што каманда Навальнага абавязкова даведаецца, хто менавіта і як менавіта выканаў гэтае злачынства. «Мы назавем прозвішчы і пакажам твары», — паабяцала Навальная.
Пра раптоўную смерць галоўнага расійскага апазіцыянера 16 лютага паведаміла Упраўленне па выкананні пакаранняў Ямала-Ненецкай аўтаномнай акругі. Навальнаму было 47 гадоў.
Цяпер яго родным не аддаюць цела.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары