Грамадства33

Лукашэнка пракаментаваў зліў пра вакцыну для «Першага»

Аляксандр Лукашэнка 20 лютага на нарадзе па бяспецы адрэагаваў на інфармацыю кіберпартызанаў пра тое, як чыноўнікі падманвалі людзей падчас кавіду, а для Лукашэнкі і яго сямʼі былі адпраўленыя прышчэпкі ад вірусу. Пра падман людзей Лукашэнка нічога не адказаў, але абверг, што прывіваўся.

«Я сёння прачытаў абсурдную рэч: аказваецца, у час пандэміі для прэзідэнта Беларусі быў сфармаваны нейкі там запас вакцын, — сказаў Лукашэнка. — Але я ўвогуле не вакцынаваўся. Я не вакцынаваўся, і маю пазіцыю вы ведаеце ў сувязі з гэтай пандэміяй». Тым не менш такі інфармацыйны ўкід быў зроблены, прычым са спасылкай на нейкія размовы медыкаў, якія абмяркоўвалі, дзе схаваць вакцыну. «І на што спасылаюцца? Што кіберпартызаны або Нехта там узламалі нейкі акаўнт, сайт або сервер», — паказаў абазнанасць Лукашэнка. 

Ён дадаў, што пытанні, якія датычацца вакцын або дактароў для яго асабіста, не ўваходзяць у кампетэнцыю звычайных медыкаў. 

«Якія дактары будуць абмяркоўваць лекі, вакцыны для прэзідэнта? Начальнік службы бяспекі — адзіны чалавек, які можа ведаць гэту інфармацыю. Але ён упершыню чуе тое, аб чым я сказаў», — аргументаваў Лукашэнка. 

«Яшчэ раз падкрэсліваю: я чалавек, які не вакцынаваўся», — дадаў ён.

Размовы, якія паказваюць, як чыноўнікі падманвалі людзей падчас кавіду, а для Лукашэнкі і яго сям'і былі адпраўлены прышчэпкі ад гэтага вірусу, злілі кіберпартызаны. 

Адна са злітых размоў — паміж начальніцай галоўнага ўпраўлення аховы здароўя Мінгарвыканкама Наталляй Баярскай і галоўным доктарам Мінскай абласной дзіцячай бальніцы Дзмітрыем Зайцавым.

У размове Баярская кажа, што знайшла пяць доз першага і другога кампанентаў прышчэпкі з тэрмінам прыдатнасці да верасня 2021 года.

«У чацвер Матронкіна з раёна прывязе яе вам. Захоўвайце яе як зрэнку вока. Гэта будзе для «Першага» і ахвотных, можа быць, сямʼі. Але ў панядзелак да вас прыйдзе Румас».

Таксама ў расследаванні прыводзіцца фрагмент размовы, дзе чыноўнікі дамаўляюцца падманваць людзей. Але гэта Лукашэнка не пракаментаваў.

Чытайце яшчэ:

У чарзе на прышчэпку ад кавіду ў «Экспабеле» стаіць сто чалавек ФОТА

Пункт вакцынацыі ад кавіду ў «Экспабеле» — усё. Прышчэпкі больш рабіць не будуць

Лукашэнка заявіў, што перахварэў на амікрон. Што ён рабіў апошнія два тыдні і што павінен быў рабіць

Намесніца міністра аховы здароўя адмовілася адказваць на пытанні журналістаў на брыфінгу

Каментары3

  • Ёсік
    20.02.2024
    Каб не было праўдай, маўчаў бы. Хлус
  • Харош заливать
    20.02.2024
    Кто тебе поверит? Ты же памятник!
  • Янка
    21.02.2024
    известная история, как Лукашенко проверял российскую поделку на Массандре, после чего та отьехала на больничный. 
    в Канаде бустер накатило только 2.6% населения, и только гении из оппозиции в Варшаве и Вильне до сих пор уверены, что это супер для здоровья.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Плакалі ўсе». Выпускнікі дзеляцца сваімі эмоцыямі ад месцаў размеркавання

«Плакалі ўсе». Выпускнікі дзеляцца сваімі эмоцыямі ад месцаў размеркавання

Усе навіны →
Усе навіны

Двухразовы ўладальнік прэміі «Оскар» Джын Хэкман, яго жонка і іх сабака знойдзеныя мёртвымі ў доме ў Санта-Фэ3

Адзін графік, які паказвае ўсю бяду з дактарамі ў рэгіёнах11

Лукашэнка дае інтэрв'ю амерыканскаму блогеру7

Інтэрв'ю Лукашэнкі абвесцілі экстрэмісцкім матэрыялам13

Інтымнае відэа заснавальніцы стартапа, знятае без яе згоды, трапіла ў інтэрнэт. Ёй спатрэбілася тры гады, каб усё выдаліць1

Хацелі напісаць «расіст», а атрымлівалася «Трамп». У айфонах здарыўся дзіўны збой

Як расіяне ставяцца да Лукашэнкі — вынікі свежага апытання11

У сацсетках пішуць пра маньяка ў Наваполацку. Міліцыя пракаментавала2

Роўна пяць гадоў таму ў Беларусь прыйшоў каранавірус2

больш чытаных навін
больш лайканых навін

«Плакалі ўсе». Выпускнікі дзеляцца сваімі эмоцыямі ад месцаў размеркавання

«Плакалі ўсе». Выпускнікі дзеляцца сваімі эмоцыямі ад месцаў размеркавання

Галоўнае
Усе навіны →

Заўвага:

 

 

 

 

Закрыць Паведаміць