Беларускі БТА Банк можа быць прададзены да канца лютага. Пра гэта казахстанскім СМІ заявіў цяперашні ўласнік банка Кенес Ракішаў, які займае 20-е месца ў спісе «50 самых уплывовых бізнэсоўцаў Казахстана-2023» часопіса Forbes, піша Office Life.
«Мы на канчатковай лініі перамоў з патэнцыйным пакупніком. Ён ужо атрымаў дазвол Нацыянальнага банка Беларусі. Мы падпісалі ўсе папярэднія дакументы. Засталіся яшчэ дадатковыя дазвольныя дакументы ад антыманапольнага камітэта Беларусі. Усё ў рамках закона», — сказаў Кенес Ракішаў.
Паводле ягоных слоў, здзелка можа быць закрытая да канца лютага. Кенес Ракішаў адмовіўся раскрываць імя пакупніка і суму ўгоды, спасылаючыся на прыватнасць.
Размовы пра жаданне казахстанскага ўладальніка прадаць банк ідуць ужо даволі даўно. Пра тое, што Ракішаў плануе прадаць банк у Беларусі, ён расказваў яшчэ ў лістападзе 2020 года. Паводле яго слоў, здзелка магла адбыцца ў 2021 годзе, калі б «сітуацыя ў Беларусі стабілізавалася». Тады ён растлумачыў, што ў стратэгіі кампаніі прадаць усе «дочкі» БТА Банка ў Беларусі, Украіне і Кыргызстане.
Цікава, што з 31 студзеня 2024 года старшынёй савета дырэктараў БТА Банк у Беларусі абраны Султан Марэнаў. Ён з 2005 па 2015 год быў старшынёй праўлення гэтага банка.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары