Інсайд ад Марзалюка: падчас стамбульскіх пагадненняў Расія прапаноўвала Украіне ўвесці трохмоўе
Трэцяя мова — венгерская.
Дэпутат Палаты прадстаўнікоў Ігар Марзалюк у часе стрыма з Рыгорам Азаронкам падзяліўся інсайдам пра тое, на якіх умовах маглі дамовіцца Украіна і Расія ў пачатку вайны.
Гісторык Марзалюк нібыта пачуў гэту інфармацыю 2 сакавіка 2022 года ад Аляксандра Лукашэнкі на пашыраным паседжанні Рады бяспекі Беларусі.
«Я выдатна ведаю, як выглядалі стамбульскія пагадненні — спачатку белавежскія, а пасля яны шліфаваліся як стамбульскія. Самае галоўнае, што з абодвух бакоў узгаднілі. Збіраліся на працягу паўмесяца падпісаць мірную дамову.
Удумайцеся: захоўвалася ў складзе Украіны Данецкая і Луганская ДНР-ЛНР, нейтральны статус, скарачэнне ўзброеных сілаў. І трохмоўе — венгерская, руская і ўкраінская».
Апроч таго, па словах Марзалюка, Расія была гатовая на працягу 15 гадоў абмяркоўваць з Украінай статус Крыма.
Колькасць венграў ва Украіне складае 0,3%. Гэта шостая нацыянальная меншасць у краіне.
Чытайце таксама:
Стала вядома, якія заробкі ў «палатніка»-ветэрана Ігара Марзалюка
Марзалюка ўсё ж прызначылі дэпутатам. Прагноз «НН» на выбары спраўдзіўся на 97%
Мы еўрапейцы ці еўразійцы? Марзалюк узбаламуціў лукашысцкія тэлеграм-каналы
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары