«Навошта выбары ў Каардынацыйную раду? Які можа быць протапарламент у протадзяржаве?» — Шрайбман
У новым выпуску ютуб-каналу «Гадзіннічак цікае» Арцём Шрайбман і Рыгор Астапеня абмеркавалі месца і ролю Каардынацыйнай рады ў жыцці беларусаў.
Падчас размовы Арцём Шрайбман запытаўся ў Астапені:
«Навошта ў гэтай карціне свету выбары ў Каардынацыйную раду? Тут нават Офісу работы няма. [Дастаткова] Святлане Ціханоўскай проста ездзіць і на канферэнцыях выступаць. Які можа быць протапарламент у протадзяржаве ў сітуацыі, калі ты можаш толькі Яся-гаспадара на выбары вылучыць?
Навошта гэтыя выбары, гэта КР, навошта ўся гэта сімуляцыя жыцця быццам бы ў нас ёсць альтэрнатыўная дзяржава?»
На гэта пытанне Астапеня адказаў, што не перастае верыць у Каардынацыйную раду.
«Гэта важны элемент для эміграцыйнай, дыяспаральнай гісторыі. Што мы яе неяк уключаем, пачынаем пра гэта размаўляць. Тут ёсць таксама гісторыя і пра трэці сектар.
Частка палітыкаў цяпер крытыкуе трэці сектар, кажа: чаму мы павінны падтрымліваць трэці сектар, калі на самой справе яны жывуць лепш за нас? Яны больш забяспечаныя, маюць большыя ўплывы».
Астапеня адзначае, што на яго погляд, вельмі важна ўключаць трэці сектар:
«Гэта пра тое, каб людзі маглі каардынаваць сваю працу. Што яны штосьці разам абмяркоўваюць, вырашаюць».
На погляд Астапені, выбарчая кампанія ў Каардынацыйную раду накіравана толькі на беларусаў замежжа. Ніхто ўжо не разлічвае, што нехта з жыхароў Беларусі будзе галасаваць на выбарах у Каардынацыйную раду.
«Але калі гэта выбары толькі для дыяспары, гэта таксама нейкая нармальная кампанія для яе мабілізацыі», — заўважае аналітык.
Пры гэтым ён бы не перабольшваў ролю Каардынацыйнай рады і не разглядаў яе як парламент: «Гэта вялікае пытанне адносна таго, ці правільная была гульня ў «давайце мы будзем протадзяржавай». У доўгатэрміновай перспектыве гэта не спрацавала».
Нагадаем, што выбары ў Каардынацыйную раду павінны прайсці 25 мая.
Чытайце яшчэ:
Каардынацыйную раду пакідаюць людзі. Што адбываецца?
«Небеларускія сілы спрабуюць адхіліць Ціханоўскую з дапамогай Каардынацыйнай рады» — Мілінкевіч
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
Сначала нужно скинуть луку,пересажаем всех его прихвостней и на честных выборах будем выяснять кто прав и кто достойный из достойнейших чтоб возглавить страну