Кустурыца аб'яднае сюжэты «Злачынства і пакарання» і «Ідыёта» ў адным фільме
Фільм атрымае назву «Злачынства без пакарання».
Рэжысёр Эмір Кустурыца аб'яднае сюжэты раманаў «Злачынства і пакаранне» і «Ідыёт» Фёдара Дастаеўскага ў адной экранізацыі. Наступны фільм атрымае назву «Злачынства без пакарання» і будзе зняты ў Санкт-Пецярбургу і Сібіры, піша РБК.
Кустурыца адзначыў, што карціна будзе «камбінацыяй» двух літаратурных твораў і можа атрымацца «сацыяльна рэлевантным фільмам».
У будучыні рэжысёр таксама плануе прыступіць да экранізацыі рамана Яўгена Вадалазкіна «Лаўр» і зняць фільм па творы Мікалая Гогаля.
Аднак у апошнім выпадку ён пакуль яшчэ не вырашыў, якую канкрэтна працу пісьменніка будзе экранізаваць. «Ці будуць гэта «Мёртвыя душы» або «Аповесць пра тое, як пасварыўся Іван Іванавіч з Іванам Нікіфаравічам», не ведаю», — сказаў Кустурыца.
Рэжысёр таксама распавёў, што руская культура аказала на яго вялікі ўплыў, і назваў Маскву найлепшым горадам у свеце.
Эмір Кустурыца — югаслаўскі і сербскі кінарэжысёр і акцёр, адзначаны ўзнагародамі найбуйнейшых кінафестываляў Еўропы, уключаючы дзве «Залатыя пальмавыя галіны» Канскага кінафестывалю. Кавалер Ордэна Ганаровага легіёна, замежны член Акадэміі навук і мастацтваў Рэспублікі Сербскай.
Сярод яго самых вядомых кінапрац — «Час цыган», «Чорная котка, белы кот», «Жыццё як цуд», «Запавет», «Па Млечным шляху».
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
дарэчы ніколі не разумеў яго фільмы
можа, таму што ў мяне душа няруская?))))